«anatomiya» fani tematik papka

1.Narvonsimonaro oraliq (spatium interscalenium) oldingi va o’rta narvonsimon mushak o’rtasida, pastdan I qovurg’a bilan chegaralangan. Undan o’mrov osti arteriyasi va elka chigali poyalari o’tadi.
2.Narvonsimon oldi oraliq (spatium antescalenium) oldindan to’sh-qalqonsimon va to’sh-til osti mushaklari, orqadan oldingi narvonsimon mushak bilan chegaralangan. Bu oraliqdan o’mrov osti venasi va kurak osti arteriyasi o’tadi.
Bo’yin mushaklari yangi tug’ilgan bolada yupqa. To’sh-o’mrov-so’rg’ichsimon, ikki qorinli va narvonsimon mushaklar nisbatan yaxshi takomillashgan. 5-7 yoshlarda bo’yinning hamma mushaklari yaxshi takomillashib, 10-14 yoshlarda kattalarnikiga o’xshaydi. Yangi tug’ilgan va 2-3 yoshli bolalarda bo’yin chegaralari yuqori joylashgani sababli uning uchburchaklari ham kattalarga nisbatan yuqori joylashadi. Bo’yin uchburchaklari 15 yoshdan keyin kattalarga xos joyga ega bo’ladi.
Yangi tug’ilgan bolada bo’yin fastsiyalari juda yupqa va bo’sh bo’lib, fastsiyalararo bo’shliqlarda yumshoq to’qima kam. Ularni hajmi 6-7 yoshlarda sezilarli o’ssa, balog’at davrida juda ko’payadi.