«anatomiya» fani tematik papka

1.Bo’yinning uzun mushagi (m. longus colli) III ko’krak umurtqasidan to I bo’yin umurtqasigacha bo’lgan sohada umurtqa pog'onasining oldingi yon yuzasida yotadi. Bu mushakni uchta qismi tafovut qilinadi. Vertikal qismi yuqorigi uchta ko’krak va pastki uchta bo’yin umurtqalari tanalarining oldingi yuzasidan boshlanib yuqoriga vertikal yo’naladi va II-IV bo’yin umurtqalarining tanasiga birikadi. Pastki qiyshiq qismi birinchi uchta ko’krak umurtqalari tanasining oldingi yuzasidan boshlanadi va VI-V bo’yin umurtqalari ko’ndalang o’simtasi oldingi do’mbochasiga birikadi. Ustki qiyshiq qismi III-V bo’yin umurtqalari ko’ndalang o’simtasining oldingi do’mboqchasidan boshlanib yuqoriga ko’tariladi va atlantning oldingi bo’rtig’iga birikadi.
Faoliyati: umurtqa pog’onasining bo’yin qismini oldinga bukadi. Bir tomonlama qisqarsa, bo’yinni o’z tomoniga bukadi.
Innervatsiyasi: bo’yin chigalining r. muscularis
Qon bilan ta’minlanishi: a.vertebralis, a.cervicalis profunda, a.cervicalis ascendens.