«anatomiya» fani tematik papka

4.Engak-til osti mushagi (m. geniohyoideus) o’rta chiziqning ikki tomonida jag’-til osti mushagining ustida yotadi. Engak o’simtasidan boshlanib til osti suyagi tanasiga birikadi.
Faoliyati: jag’ qimirlamay turganida til osti suyagini va hiqildoqni ko’taradi. Til osti suyagi qimirlamay tursa, pastki jag’ni tushiradi.
Innervatsiyasi: bo’yin chigali.
Qon bilan ta’minlanishi: a.sublingualis, a.submentalis.

Til osti suyagining ostidagi mushaklar

1.Kurak-til osti mushagi (m. omohyoideus) o’zaro oraliq pay bilan bo’lingan ikki: pastki va ustki qorinchalardan iborat. Pastki qorinchasi (venter inferior) kurakning yuqori chekkasini kurak o’ymasidan ichkariroqdan boshlanib yuqoriga va oldinga qiya ko’tariladi. To’sh-o’mrov-so’rg’ichsimon mushakning orqa chekkasida oraliq payga o’tadi. Oraliq paydan boshlangan ustki qorinchasi (venter superior) til osti suyagi tanasining pastki chekkasiga birikadi.
Faoliyati: Til osti suyagi qimirlamay tursa bu mushak ikki tomonlama qisqarganida, bo’yin fastsiyasini taranglaydi va bo’yinning yirik venalaridan qon oqishini yaxshilaydi. Kurak qimirlamay turganida bu mushak til osti suyagini pastga va orqaga tortadi.
Innervatsiyasi: ansa cervicalis.
Qon bilan ta’minlanishi: a.thyroidea inferior, a.cervicalis superficialis.