Anotatsiya: Mening nazdimda Vatan- ko’zi muhabbatga to’la suyukli, mehr quyoshi, nur sochguvchi nurafshon, chechaklarga to’la guliston va,albatta, O’zbekistondir! Kalit so’zlar

Muhammad  Yusuf

Shoir aytganidek, Vatan kishi uchun hamdard, sirdosh, yuzini yuzingizga bosib dardingizdan dard chekuvchi darddosh, ham aziz va suyukli singil, ham mehribon onadir. Mening nazdimda esa, Vatan  - ko’zi muhabbatga to’la suyukli, mehr quyoshi, nur sochguvchi nurafshon, chechaklarga to’la guliston va, albatta, O’zbekistondir! O’zbek diyori har bir dilbandiga mehrini teng taqsimlagani uchun,  uni har bir farzandi birdek suyadi. “Vatan ne deb so’rganlarga, bir kaftgina tuproq berdim” deydi shoir. Haqiqatdan ham, siz –u  biz sevib ardoqlaydigan, ko’zimizga to’tiyo qilguvchi Vatan aslida bir kaftgina tuproq emasmi?! Vatan bir kaft tuproq bo’lsa biz uning tarkibidagi qum zarrachalarimiz, Vatan dengiz bo’lsa biz suv tomchilarimiz, na biz undan ayrila olamiz, na  u bizni tashlab keta oladi. Bir -birimizga shu qadar bo’gliqmizki, dunyoning qaysi chetiga bormaylik bir birimiz tomon talpinaveramiz.

     Xalqda “badqavm bo’lsang bo’l, lekin beqavm bo’lma” degan maqol bor. Chindan ham dunyoda vatangadolikdan, bevatanlikdan og’ir dard bo’lmasa kerak. O’zingiz o’ylang, dunyoda onasiz yashab bo’ladimi?! Aslida Vatan insonga onadan ham aziz, onadan ham mo’tabarroqdir. Vatan mening nigohimda... yo’q u mening ikki ko’zimga sig’maydigan, zabonim tariflab berolmaydigan darajada buyuk. Qanchalar buyuk bo’lsa shuncha suyuk hamdir.O’zbek zamini biz uchun ona bo’lsin, yelkadan tutguvchi bo’lsin, manglayda yozilgan taqdir bo’lsin, lekin hech birimizga armon bo’lmasin, hech bir kishi vatangado, sarson bo’lmasin!

       Ona zaminimiz doimo sevilsin, sevsin, kuldirsin, kulsin, dunyolar bilan birga turib, abadiy bo’lsin!