Aqlga-bilim, qalbga ma’naviyat

Vatanfurushga
Tuzluqqa tupurib, nonko‘r bo‘ldingiz,
Do‘ppi tor kelganda cho‘kdingiz-ku tiz,
Islomdan so‘z ketsa, ochmangiz og‘iz,
Iymoni yo‘q aslo vatanfurushning.

Begunoh ulusni qaqshtdingiz qon,

Onalar qalbini etdingiz vayron,
Sizga harom erur nomi musulmon,
Qur’oni yo‘q aslo vatanfurushning.

Qalblarni chulg‘adi adadsiz alam,

Va tiyron ko‘zlardan tomchiladi nam,
Vijdon azobida o‘rtaning desam,
Vijdoni yo‘q also vatanfurushning.

1-boshlovchi: O‘tmishi buyuk yurtning keljagi ham buyuk bo‘lmishdir.

2-boshlovchi: Bu fikrning nechog‘li haqligin bilmoq uchun o‘tmish tariximizga nazar tashlaylik.

1.Bahouddin Naqshband so‘zi: Men nomim yo‘qlikka mahkum etilgan, istiqlol sharofati ila mangulikka daxldor bo‘lgan Naqshbandiyman. Men ona yurtimni hamisha duo qilib turgaymen.

2. Al-Buxoriy: Men hadis ilmining sultoni Al-Buxoriydurmen. Hadislarni o‘rganing, amal qiling, zero, ular –ma’naviyatning asosidir.
3. Ahmad Yassaviy: Kamina Qul Xo‘ja Ahmad Yassaviydurman. Ollohga ishoning, mehr-muruvvatli bo‘ling. Zero, Olloh barcha narsani ko‘rguvchi bilguvchidir.
Beshak, biling bu dunyo barcha eldin o‘taro,
Ishonmagin molingga bir kun qo‘ldan ketaro.
Ota-ona qarindosh, qayon keti, fikr qil,
To‘rt oyoqlik cho‘bin ot bir kun senga yetaro.
Dunyo uchun g‘am yema, Haqdin o‘zgani dema,
Kishi molini yema, sirot uzra tutaro.
4. Alisher Navoiy: Men turk ulusini qalam sehri birla fath qilg‘on Navoiy bobongizdurman. Turkiy tilni asrang, ona tilingizning sofligini ta’minlang. Shunda mening ruhim shod, oxiratim obod bo‘lg‘ay.
5. Zahiriddin Muhammad Bobur: Vatan tuprog‘idin olisda yashamoq azobini sizlarga ravo ko‘rmagaymen. Ona yurtimizni asrang, avaylang. Uning kelajagini sizlarga topshirdim azizlarim!
6. Amir Temur: (yakunlov so‘ziga mos kelganligi uchun Amir Temur oxirgi o‘ringa qo‘yiladi.)
– Farzandlarim, shuni unutmangki, “Kuch adolatdadir.”. Siz hech qachon kimligingizni, tomiringizda kimning qoni oqayotganini unutmang.
Barchasi: Biz kim –mulki Turon, amiri Turkistonmiz, millatlarning eng ulug‘i turning bosh bo‘g‘inimiz.
(Parda yopiladi)
1-boshlovchi: Tadbirimiz so‘ngida yurtboshimizning quyidagi fikrlarini keltirmoqni joiz deb topdim: “Xalq-bamisoli ulug‘ va sharafli yo‘ldan ilgarilab borayotgan ulkan karvon. Uni yo‘ldan chalg‘itishga urinuvchilar, payt poylab orqasidan hamla qiluvchilar hamisha bo‘lgan, bundan keyin ham bo‘lishi mumkin”.
2-boshlovchi: Karvon bexabar bo‘lmas, degan gap bejiz aytilmagan. Ammo xalq karvonini hech qanday kuch ortga qaytarolmaydi. Nega deganda, xalqning qalbida ne-ne avlodlardan meros yengilmas kuch-ma’naviyat bor.
(shundan so‘ng barcha ishtirokchilar sahnaga chiqishadi. Muhammad Yusuf qalamiga mansub “Hech kimga bermaymiz seni, O‘zbekiston” qo‘shig‘ini ijro qilish bilan tadbir nihoyasiga yetadi)
Parda yopiladi.