Аскар мактуби

“Олима аёллар грантлари”ни расмийлаштириш қоидалари

“Олима аёллар грантлари” ташаббускор амалий ва инновацион лойиҳалар танловида иштирок этиш шартлари

Маълумки, Инновацион ривожланиш вазирлиги республикамизда хотин-қизларни илм-фанга кенг жалб қилиш, уларнинг янги ғоя ва ишланмаларини ҳар томонлама қўллаб-қувватлаш ва рағбатлантириш мақсадида илмий фаолиятга оид давлат дастурлари доирасида “Олима аёллар грантлари” ташаббускор амалий ва инновацион лойиҳалар танловини эълон қилади.

Танловнинг асосий мақсади республикамизда хотин-қизларни илм-фанга кенг жалб қилиш, фан-таълим ва иқтисодиётнинг турли тармоқ ва соҳаларида илмий фаолият билан шуғулланаётган хотин-қизларнинг янги ғоя ва ишланмаларини ҳар томонлама қўллаб-қувватлаш ва рағбатлантириш учун илмий фаолиятга оид давлат дастурлари доирасида бажариладиган ташаббускор амалий ва инновацион лойиҳалар натижалари бўйича иқтисодиёт тармоқлари ва ижтимоий соҳанинг мавжуд муаммолари, реал эҳтиёжлари ҳамда ҳудудий муаммоларни ҳал этишга қаратилган илмий ҳажмдор маҳсулотлар ва инновацион технологияларни яратишдан иборат.

Танлов Ўзбекистон Республикаси Президенти Ш.М.Мирзиёевнинг 2020 йил 31 январда олимлар, ёш тадқиқотчилар, илмий-тадқиқот муассасалари раҳбарлари ҳамда ишлаб чиқариш тармоқлари корхоналари вакиллари билан бўлиб ўтган учрашувида илм-фан соҳасида аёлларнинг ўрнини янада ошириш учун “Олима аёллар грантлари” танловини эълон қилиш юзасидан белгилаб берилган устувор вазифалар доирасида ташкил этилмоқда.

Ташаббускор илмий-тадқиқот лойиҳалари илмий-тадқиқот ва олий таълим муассасаларининг, илмий-тадқиқот ва тажриба-конструкторлик фаолиятини амалга оширувчи бошқа манфаатдор ташкилотларнинг асосланган таклифлари асосида илмий тадқиқотларнинг устувор йўналишларига мувофиқ шакллантирилади, тегишли илмий-техник кенгашда илмий экспертиза ва лойиҳанинг очиқ муҳокамаси натижасига кўра танловларсиз молиялаштирилади.

Ўзбекистон Республикаси Инновацион ривожланиш вазирлиги

ТАНЛОВ ЙЎНАЛИШЛАРИ