Ассалому Алейкум ҳурматли Президент

Ҳурматли Шавкат Мирамонович,

Кейинги йўналиш мавсум давомида истеъмолчиларни электр энергияси, табиий газ, марказлаштирилган ичимлик суви, кўмир махсулотлари ҳамда суюлтирилган газ билан узлуксиз таъминлаш бўйича ҳам тегишли тадбирлар олиб борилди:

Жумладан,
Шаҳарлар ва туманлардаги иқтисодиёт тармоқлари, кўп қаватли уй-жой фонди ва ижтимоий соҳа объектларига куз-қиш мавсумида узлуксиз электр энергиясини етказиб бериш мақсадида, 2507 км электр тармоқлари ва 777 та трансформаторлар мукаммал ҳамда 5724,4 км электр тармоқлар, 1749 та трансформатор пунктлари жорий таъмирланди.
Шунингдек, Аҳолини табиий газ таъминотини яхшилаш мақсадида 23,5 км табиий газ тармоқлари реконструкция қилиниб, 37,1 км газ тармоқлари жорий таъмирланди, 456,4 км газ тармоқлари синовдан ўтказилиб тозаланди, 60 та газ маромлаш пунктлари мукаммал ва 73 та газ маромлаш пукнтлари жорий таъмирланди.
Шу билан бир қаторда, 433,4 км ер ости газ тармоқлари прибор усулида текширувдан ўтказилди, 7279 та газ маромлаш пунктлари техник тафтишдан ўтказилиб, 163,1 км газ қувурлари бўёқланди.
Вобкент туманидаги табиий газ истеъмолчиларни бир маромда табиий газ таъминотини йўлга қўйиш мақсадида Вобкент газ тарқатиш пунктидан туман марказигача бўлган 6,0 км узунликдаги юқори босимли кесими 720 ммли газ тармоғи реконструкция қилиниб фойдаланишга топширилди.
Тегишли ваколатли ташкилотларни жалб этган ҳолда аҳолининг табиий газдан фойдаланиш ҳолатлари ўрганилиб, аҳоли хонадонларига 18,74 минг та газ ёндиргич мосламалари замонавий газ ёндиргичларга алмаштирилди.
Ичимлик суви таъминоти объектлари ҳамда технологик асбоб-ускуналарни куз-қиш даврида барқарор ишлашга тайёрлаш мақсадида 16,3 км ичимлик сув тармоқлари ва 15 та насос ускуналарини мукаммал ҳамда 70,7 км ичимлик сув тармоқлари ва 50 та насос ускуналарини жорий таъмирланди.

Ҳурматли Президент,

Вилоятдаги табиий газ билан таъминланмаган аҳолига кўмир махсулотлари етказиб бериш ишлари вилоят ҳокимлиги томонидан алоҳида назоратга олиниб куз-қиш мавсумида вилоят аҳолисини ҳамда ижтимоий соҳа муассасаларни кўмир махсулотлари билан таъминлаш бўйича аниқ мақсадга йўналтирилган ишлар амалга оширилмоқда.

Жумладан 2021/2022 йил куз-қиш мавсумида аҳолига жами 33,0 минг тонна кўмир махсулотлари билан таъминлаш режалаштирилган бўлиб, мазкур режа ижросини таъминлаш ҳамда аҳолига кўмир махсулотлари етказиб бериш мақсадида туманларда 6 та, (Когон, Вобкент, Ғиждувон, Олот, Қоракўл ва Жондор) кўмир тарқатиш омборлари тўлиқ тайёрланди.
Ушбу кўмир омборхоналарига аҳоли хонадонлари учун “Кўмиртаъминот” МЧЖ Бухоро вилоят филиали томонидан йил давомида 30,7 минг тонна (Ангрен кўмир конларидан 2БР-маркали) кўмир маҳсулотлари олиб келинди.
*****
Бундан ташқари, аҳолига Суюлтирилган газ етказиб бериш ишлари ҳам алохида назоратга олинган бўлиб табиий газ етиб бормаган аҳолига белгиланган режа графиклар асосида суюлтирилган газ етказиб бериш ишлари олиб борилмоқда.
Бугунги кунда вилоятда суюлтирилган газга мослаштирилган 172 155 та истеъмолчиларга суюлтирилган газ етказиб бериш мақсадида 182 957 та маиший газ балонлари билан таъминланган.
Вилоят истеъмолчиларига 2021 йилда 25,6 минг тонна суюлтирилган газ етказиб берилиши режалаштирилди.
Мазкур режа ижросини таъминлаш бўйича барча ташкилий ишлар кўрилиб бугунги кунга қадар аҳоли хонадонларига белгиланган режа асосида 24,8 минг тонна суюлтирилган газ тасдиқланган график асосида етказиб берилди.
Қуз қиш мавсуми давомида аҳолига бир маромда суюлтирилган газ етказиб бериш мақсадида 180,0 минг дона маиший газ баллонлари бар кодли махсус ёрлиқлар (стикер) билан таъминланиб аҳолига вақтинча фойдаланиш учун тарқатилди.
Шунингдек, 3 та суюлтирилган газ тўлдириш пункталарида барча хавсизлик чоралари кўрилиб, 52 та (9 та MAN, 42 та ISUZU ва 1 та KAMAZ) махсус автотранспорт воситалар жалб этилди.
***