Atamalar lug‘ati

Atamalar lug‘ati

Axta – naqshning maxsus qog‘ozga chizilib, naqsh yo‘llari igna bilan teshilib, buyum yuziga tushirish uchun tayyorlangan nusxasi. Xorazm ustalari axtani ulgi deb ataydilar.

Aylanma islimi – uzluksiz aylanib davom etadigan o‘simliksimon naqsh. Xorazm naqshlarida uchraydi.

Andaza – o‘lchov, trafaret, shablon.

Arxitektura naqqoshligi – bu ikki turdan iborat: a)devor va shiplarga to‘liq dekorativ naqsh berish, b)monumental naqqoshlik.

Axromatik ranglar – oq, kul rang va qora ranglarga o‘xshab ko‘rinuvchi ranglar.

Band – islimi naqshlardagi gul novdasi.

Bandii Rumi – bir bandli o‘simlik shakllari tasvirlangan naqsh.

Barg – bargsimon naqsh elementi.

Bargak – bargga o‘xshash o‘simliksimon naqsh.

Bargi bodom – bodom bargsimon naqsh elementi, u paxta chanog‘iga ham o‘xshaydi.

Bargi shiguft – naqsh elementi, ochilib turgan gul bargiga o‘xshatib chizilgan.

Bodom gul – bodom danagisimon naqsh elementi