Axborot texnologiyalari va kommunikatsiyalarni rivojlantirish vazirligi

Kaliforniya universiteti - AQShdagi yirik oliy oʻquv yurtlaridan biri. 1868 yil Oklendda (San-Fransisko yaqinida) Kaliforniya kolleji (1855) negizida ochilgan. Berkli, Deyvis, Los-Anjeles, Riversayd, SanFransisko va boshqa shaharlarda kampuslar (universitet shaharchalari) bor. Ayrim kampuslar yirik ilmiy markazlardir. Turli ixtisosliklar boʻyicha mutaxassislar tayyorlaydi. 10 mingdan ortiq talaba taʼlim oladi. Kutubxonalarida 10 mln.dan ortiq asar saqlanadi.



Kaliforniya universiteti, Berkli AQShning Kaliforniya shtati universiteti boʻlib, aniq fanlar, texnologiya, biznes boshqaruvi, falsafa va boshqa bir qancha sohada AQSh va jahonda yetakchi oʻrinda turadi.



Kolorado universiteti — AQShdagi yetakchi universitetlardan biri. 1861 yil tashkil etilgan. Boulder kampusi (shaharchasi), Denver markazi, Denver tibbiyot markazi, Kolorado-Spring markazini oʻz ichiga oladi. Sanʼat, musiqa, muhandislik, atrof muhitni oʻrganish, sanoat va xoʻjalikni boshqarish, ped., jurnalistika, huquq, tibbiyot, farmakologiya va boshqa sohalar boʻyicha mutaxassislar tayyorlaydi. Universitetda 39 mingdan ortiq talaba taʼlim oladi. Kutubxonasida 1,3 mln.dan ortiq asar saklanadi.