Banklar va bank faoliyati to‘G‘risida

46-modda. Qimmatli qog‘ozlar savdosi tashkilotchilarining axborotni oshkor qilishi
Qimmatli qog‘ozlar savdosi tashkilotchilari:
savdoda bitimlar tuzish qoidalarini;
savdoga qo‘yilgan qimmatli qog‘ozlar ro‘yxatini;
qimmatli qog‘ozlar bozorini tartibga solish bo‘yicha vakolatli davlat organining talabiga ko‘ra investorlarning yoki qimmatli qog‘ozlar egalarining arizalarini, takliflarini va shikoyatlarini ko‘rib chiqish yakunlari haqidagi axborotni oshkor qiladi.
Oldingi tahrirga qarang.
Qimmatli qog‘ozlar savdosi tashkilotchilari qonunchilikka muvofiq boshqa axborotni ham oshkor qilishi mumkin.
(46-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
47-modda. Axborotning qimmatli qog‘ozlar egasi tomonidan oshkor qilinishi
Qimmatli qog‘ozlar egasi emitent qimmatli qog‘ozlari har qanday turining 35 va undan ortiq foizini olganligi haqidagi axborotni oshkor etishi shart.
Aksiyalar egasi mustaqil ravishda yoki affillangan shaxslar bilan birgalikda bir yoki bir nechta bitim tuzish natijasida aksiyadorlik jamiyati aksiyalarining mazkur aksiyadorlik jamiyati ustav kapitalining jami 20 va undan ortiq foizini tashkil etuvchi aksiyalar paketini olganligi haqidagi axborotni oshkor etishi shart.
Qimmatli qog‘ozlar egalarining axborotni oshkor etishi tartibi va muddatlari qimmatli qog‘ozlar bozorini tartibga solish bo‘yicha vakolatli davlat organi tomonidan belgilanadi.
48-modda. Axborotning qimmatli qog‘ozlar bozorini tartibga solish bo‘yicha vakolatli davlat organi tomonidan oshkor qilinishi
Qimmatli qog‘ozlar bozorini tartibga solish bo‘yicha vakolatli davlat organi ommaviy axborot vositalari va (yoki) o‘zining rasmiy veb-sayti orqali quyidagi axborotni oshkor etishi shart:
qimmatli qog‘ozlarning ro‘yxatdan o‘tkazilgan chiqarilishlari haqidagi hamda chiqarilishi, joylashtirilishi va muomalasi to‘xtatib qo‘yilgan hamda tiklangan, amalga oshmagan yoki haqiqiy emas deb topilgan qimmatli qog‘ozlar chiqarilishi to‘g‘risidagi;
qimmatli qog‘ozlar bozorida professional faoliyatni amalga oshirish uchun litsenziya berilganligi, uning amal qilishi to‘xtatib turilganligi yoki tugatilganligi, litsenziya bekor qilinganligi to‘g‘risidagi;
qimmatli qog‘ozlar bozorida huquqbuzarliklarga yo‘l qo‘yganligi uchun mazkur organ tomonidan javobgarlik choralari qo‘llanilgan emitentlar, qimmatli qog‘ozlar bozorining professional ishtirokchilari, mansabdor shaxslar hamda ularga nisbatan qo‘llanilgan javobgarlik choralarining turlari to‘g‘risidagi;
o‘z da’volari bo‘yicha chiqarilgan sud qarorlari to‘g‘risidagi;
Oldingi tahrirga qarang.
investitsiya maslahatchilarining xabarnomalari reyestri, ularning faoliyati to‘xtatib turilganligi yoki tugatilganligi to‘g‘risidagi;
(48-moddaning birinchi qismi O‘zbekiston Respublikasining 2021-yil 12-oktabrdagi O‘RQ-721-sonli Qonuniga asosan oltinchi xatboshi bilan to‘ldirilgan — Qonunchilik ma’lumotlari milliy bazasi, 12.10.2021-y., 03/21/721/0952-son)
Qimmatli qog‘ozlar bozorini tartibga solish bo‘yicha vakolatli davlat organi investorlarga va qimmatli qog‘ozlar egalariga ushbu Qonunga muvofiq axborot taqdim etganlik uchun undan nusxa ko‘chirishga sarflanadigan xarajatlar doirasida haq olishi mumkin.