Беларусь президенти далаларида Шавкат Мирзиёев юборган қовун уруғларидан мўл-кўл ҳосил олинди

ЎЗБЕКИСТОН ЯНГИЛИКЛАРИ

• 
  Беларусь президенти далаларида Шавкат Мирзиёев юборган қовун уруғларидан мўл-кўл ҳосил олинди
  

Беларусь президентининг тажриба майдонларида йиғим-терим мавсуми давом этмоқда. Бу ҳақда мазкур давлат раҳбари матбуот хизмати маълум қилди. Александр Лукашенко соҳадаги сўнгги тенденциялардан хабардор бўлиш, технологиялар ва янги навларни синаб кўриш учун шахсан ўзи тажрибалар ўтказмоқда. Шундан сўнг ишланмаларнинг энг муваффақиятлилари амалиётга татбиқ этилади.
«2019 йилда полиз маҳсулотлари уруғи тўғридан-тўғри Ўзбекистондан келтирилди. Беларусь етакчиси илтимосига кўра унинг ҳамкасби ва дўсти Шавкат Мирзиёев ўзбек қовунларининг энг яхши уруғларини юборди. Беларусь президенти иссиқхонасида бир неча кун мобайнида ҳосил йиғиб олинди», — дейилади матбуот хизмати хабарида.
Лукашенко, гарчи масофадан бўлса ҳам, Беларусь ва Тожикистон дўстлик боғини эътибор билан кузатиб бормоқда. Марказий Осиёдан Брест вилоятига 6 минг дона ўрик, олма, гилос кўчатлари ва узумнинг бир неча энг аъло навлари келтирилди.

• Ўзбекистонда спорт мактаблари ходимларининг ойлиги 1 октябрдан ошиши кутилмоқда

Ўзбекистонда спорт мактаблари раҳбар ходимлари, мураббий ва инструктор-методистлар маоши ошиши кутилмоқда, дея хабар бермоқда Telegram’даги «Ўқитувчи» канали.
Унга кўра, базавий тариф ставкалари 2019 йил 1 октябрдан:

• 
  директор ва директор ўринбосарлари учун 2 бараварга;
  
• 
  тренер, инструктор-методистлари учун ўртача 1,7 бараварга ошириш
  

тўғрисидаги таклифи маъқулланиши мумкин.

• Андижон ҳокими тўрт кунда 2,5 тонна пахта терган оилага Nexia совға қилди

Андижон вилояти ҳокими Шуҳрат Абдураҳмонов энг фаол теримчи деб топилган қўрғонтепалик Ирода Каримовага Ravon Nexia автомобилини топширди, дея хабар бермоқда вилоят ҳокимлиги матбуот хизмати.
Хабар беришларича, Ирода Каримова «Дардоқтепа» маҳалла фуқаролар йиғинида истиқомат қилади. «Пахта мавсуми бошидан ўз турмуш ўртоғи билан тўрт кунда давлатга 2,5 тонна ‘оқ олтин’ териб топширган», — дейилади ҳокимлик ахборотида.

•