Бҳхс (ias) 40 “Инвестицион мулк”

Таърифлар

• Инвестицион мулк – бу ижарадан даромад олиш мақсадида ёки капиталнинг қиймати қимматлашиши учун ёки иккаласи учун (мулк эгаси ёки молиявий ижара шартномаси асосида ижара олувчи томонидан) эгалик қилинаётган мулк (ер ёки бино – ёки бинонинг қисми – ёки иккаласи) бўлиб, бундан қуйидаги мулклар кирмайди:
• (a) ишлаб чиқаришда ёки товарлар етказиб бериш ёки хизматлар кўрсатишда ёки маъмурий мақсадларда фойдаланиладиган; ёки
• (б) оддий хўжалик фаолиятидаги сотишга мўлжалланган мулклар.
• Мулк-мулк-эгаси-эгаллаган мулк – бу (мулк эгаси ёки молиявий ижара шартномаси асосида ижара олувчи томонидан) ишлаб чиқаришда ёки товарлар етказиб бериш ёки хизматлар кўрсатишда ёки маъмурий мақсадларда фойдаланиладиган эгаликдаги мулк.

Қуйидагилар инвестицион мулкка мисолдир:

• (a) оддий хўжалик фаолияти доирасида қисқа муддатда сотиш учун эмас, балки узоқ муддат давомида капиталнинг қиймати қимматлашиши учун эгалик қилинадиган ер.
• (б) келгусида қайси мақсадда фойдаланилиши аниқланмаган эгаликдаги ер.
• (в) тадбиркорлик субъекти томонидан эгалик қилинадиган (ёки молиявий ижара шартномаси асосида тадбиркорлик субъекти томонидан эгалик қилинадиган) ҳамда бир ёки бир неча оператив ижара шартномалари асосида ижарага берилган бино.
• (г) банд бўлмаган, аммо бир ёки бир неча оператив ижара бўйича ижарага беришга мўлжалланган бино.
• (д) келгусида инвестицион мулк сифатида фойдаланиш учун қурилаётган ёки такомиллаштирилаётган мулк.

Инвестицион мулк бўлмаган моддаларга мисолдир

• (a) оддий хўжалик фаолиятидаги сотишга мўлжалланган ёки бундай сотишга мўлжалланган қурилиш ёки такомиллаштириш жараёнидаги мулк (БҲХС 2 “Товар-моддий захиралар” га қаранг), масалан, фақатгина яқин келажакда қайта сотиш ёки такомиллаштириш ва қайта сотиш мақсадида харид қилинган мулк.
• (б) учинчи томон номидан қурилаётган ёки такомиллаштирилаётган мулк (БҲХС 11 “Қурилиш шартномалари” га қаранг).
• (в) мулк-эгаси-эгаллаган мулк.
• (г) [ўчирилган]
• (д) бошқа тадбиркорлик субъектига молиявий ижара бўйича ижарага берилган мулк.