Билим соҳаси Ижтимоий таъминот ва соғликни сақлаш 500000

Эмульсия - Emulsum
(Эмульсия - бош келишик бирликда Emulsum, қаратқич келишик бирликда Emulsi,
қисқартмаси Emuls.)

Эмульсиялар сувда эримайдиган суюқ дорини (ёғлар, эфир мойлари, бальзамлар) майда заррачаларга айланган, муаллақ ҳолда бўлган, сутсимон суюқ дори шаклидир. Ичишга ва сиртга қўллаш учун эмульсиялар тафовут қилинади.

Ичиш учун эмульсиялар Сиртга ишлатиладиган

Emulsa ad usum internum эмульсиялар
Суюқ суртмалар ёки линиментлар
Emulsa ad usum externum s.
Ёғли (мойли) уруғли Linimentum
эмульсиялар эмульсиялар (Суюқ суртмаларга қаранг)
Emulsa oleosa Emulsa seminalia
Эмульсияларнинг афзаллиги дорининг нохуш мазаси ва ҳиди эмульсия ҳолида истеъмол қилинганда анча яхшиланади.
Эмульсиялар ичиш ва сиртга қўллаш учун буюрилади, ишлатишдан олдин чайқатилади. Ичиш учун эмульсиялар ёғли ва уруғли бўлиб, кўпроқ ёғли эмульсиялар ишлатилади.
Эмульсиялар канакунжут мойи (Oleum Ricini), бодом мойи (Oleum Amydalarum), балиқ ёғи (Oleum jecoris Aselli), шафтоли мойи (Oleum Persicorum), вазелин мойи (Oleum Vaselini) ва бошқалардан тайёрланиб, барқарорлигини ошириш мақсадига дорига нисбатан 2:1 нисбатда эмульгатор қўшилади (ўрик елими - Gummi Armeniacae, желатоза - Gelatosa ва бошқалар).
Эмульсияларга рецепт кенгайтирилган ва қисқартирилган кўринишда ёзилади.
Кенгайтирилган кўринишда ҳамма таркибий қисмларнинг номи, миқдори кўрсатилгандан кейин M.f.emulsum кўрсатилиб, D.S. билан тугалланади.
Мисол: 20 мл балиқ ёғидан (Oleum jecoris Aselli, Fish oil) тайёрланган 200 мл эмульсияни 1 маҳалга ичишга буюрилсин. Истеъмолдан олдин чайқатилсин.

Rp.: Olei jecoris Aselli 20 ml

(Fish oil)
Gelatosae 10,0
(Gelatoze)
Aq.destill. ad 200 ml
(Aqua destillata)
M.f. emulsum
D.S. Чайқатиб, 1 маҳалга ичиш учун.
Қисқартирилган кўринишида рецепт эмульсия сўзидан бошланиб, ёғнинг номи, миқдори ва эмульсиянинг умумий ҳажми кўрсатилади.

Rp.: Emuls. olei jecoris Aselli 20 ml - 200 ml

(Fish oil)
D.S. Чайқатиб, 1 маҳалга ичилсин