Bilim sohasi: 800000 Qishloq, o’rmon, baliq xo’jaligi va veterinariya Ta’lim soha

Savollar:

1. 
   Transpiratsiya nima va uning o’simlik hayotidagi ahamiyati?
   
2. 
   Transpiratsiya jadalligi deb nimaga aytiladi?
   
3. 
   Transpiratsiya jarayonini kuzatish va torsion tarozida o’lchash tartibi qanday amalga oshiriladi?
   

3-mavzu: O’SIMLIKLARNING O’SISHIGA FITOGARMONLARNING
TAG’SIRINI KUZATISH.
1-mashg’ulot
Ildizning o’sishiga geteroauksinning ta’siri.

Kerakli reaktiv va asboblar: Chigit va bug’doy urug’i, geteroauksinning 0,01 % eritmasi, Petri kosachasi, o’lchov tsilindri, pipetka, filg’tr qog’ozi, lineyka yoki millimetrli qog’oz.
Ma’lumki, o’simliklarning o’sishi va rivojlanish jarayonida fitogarmonlar muhim ahamiyat kasb etadi. Fitogarmon deyishimizga sabab, bu moddalar o’simlik to’qimalarida va organlarida hosil bo’lib, boshqa to’qima va organlarga ta’sirini o’tkazadi.
Fitogarmonlar o’zlarining tabiati va ta’sir mexanizmiga qarab, auksinlar, gibberellinlar, tsitokininlar va ingibitorlar (tormozlovchi) kabi guruhlarga bo’linadi. Bu moddalar to’qima va organlardagi suyuqliklar kontsentratsiyasiga, bir-birlariga bo’lgan nisbatiga va o’simliklarning fiziologik holatiga qarab, fiziologik jarayonlarni tezlatishi yoki ularni to’xtatishi ham mumkin.
Ishning tartibi. Toza yuvilgan, Petri kosachasidan 10 ta olib, ularning ichki qismiga filtr qog’ozidan qirqib qo’yiladi. Olingan kosachalardan, 5 tasi g’o’za chigitini, 5 tasi esa bug’doy urug’ini undirish uchun ajratiladi va ularning har bittasiga tartib raqam yozib qo’yiladi, birinchidan, beshinchigacha bo’lgan kosachalarda chigit, oltinchidan o’ninchigacha bo’lgan kosachalarda bug’doy urug’i undiriladi.
Tajribaga olingan har bir o’simlik 5 ta variant tizimida, har xil kontsentratsiyaga ega bo’lgan geteroauksin eritmalarida o’stiriladi. Buning uchun birinchi variant kosachalariga 10 ml. dan distillangan suv qolgan variantlardagi kosachalarga esa, 10 ml dan geteroauksinning har xil kontsentratsiyaga ega bo’lgan eritmalari quyilib, Petri kosachalardagi filg’tr qog’ozi ho’llanadi.
So’ngra, har bir variantdagi kosachalarga 5 tadan bir xil kattalikdagi g’o’za chigitidan va bug’doy urug’idan olib undirishga qo’yiladi.