Билимлар иқтисодиётига таърифлар

2-мавзу. Интеллектуал мулк ва капиталнинг ҳаракатланиши, унинг ҳуқуқий муҳофазаси, ҳимоясини таъминлаш ва бошқариш.

Режа:

•  Интеллектуал мулк ва капиталнинг шаклланиши.
• Интеллектуал мулк ва капиталнинг ҳуқуқий муҳофазаси, ҳимоясини таъминлаш ва бошқариш.
• Илмий техника ишланмаларини тижоратлаштириш стратегияси. Илмий кашфиётлар, ихтиролар ва лицензиялаш борасида давлат сиёсати.

Интеллект (лот. Intellects) — билиш, тушуниш, идрок қилиш.

• инсоннинг ақлий қобилияти; ҳаётни, атроф муҳитни онгда айнан акс эттириш ва ўзгартириш;
• фикрлаш, ўқиш-ўрганиш, дунёни билиш ва ижтимоий тажрибани қабул қилиш қобилияти;
• турли масалаларни ҳал қилиш, бир қарорга келиш, оқилона иш тутиш, воқеа-ҳодисаларни олдиндан кўра билиш лаёқати.

Интеллект инсон психологияси билан боғлиқ қуйидаги омиллар таъсирида кечади.

• туғма истеъдод, мия имкониятлари;
• Таълим,билим, илм ва уларнинг бойиб бориши даражаси;
• жўшқин фаолият, ҳаётий тажриба;
• савиянинг эмприк ва индивидуал ортиб бориши;
• ахборот ресурсларига эга бўла олиш ва х.к.

Инсон интеллектининг мулк сифатида шаклланиши, мулкига айланиши:

Таълим, билим, илм, уларнинг бойиб бориши ва жўшқин фаолият ҳамда ҳаётий тажриба кетма-кетликда ривожланиб бориши инсонда интеллектуал мулкни қарор топтиради.

Интеллектуал мулк - ижодий аклий фаолият маҳсули. У субъекти ва объекти жиҳатидан фарқланади.

• Субъекти жиҳатдан: якка киши, жамоа, худуд, мамлакат ва бутунжахон доирасида бўлади.
• Объекти жиҳатидан: фан, адабиёт, санъат ва ишлаб чиқариш соҳаларида ижодий фаолият турларини қамраб олади (адабий, бадиий, илмий асарлар, ижрочи актёрлик санъати, жумладан овоз ёзиш, радио, телевидение асарлари, кашфиётлар, ихтиролар, рационализаторлик таклифлари, саноат намуналари, компьютерлар учун дастурлар, маълумотлар базаси, ноу-хаунинг эксперт тизимлари, товар белгилари, фирма атамалари ва бошқа аклий мулклар).