Biologik hilma-hillikni saqlash

Turli hasharotlar. Mayda hayvonlar, ilonlar, toshbaqalar kabi sudralib yuruvchilar ba’zi xalqlar uchun qimmatli ozuqa mahsuloti hisoblanadi.
Baliqlar. Suv ekotizimining muhim tarkibiy qismi sifatida modda almashinish jarayonlarida faol ishtirok etadilar, shuningdek, insoniyatni oziq-ovqatga bo‘lgan ehtiyojini qondirishda katta ahamiyatga egadirlar. Dunyo bo‘yicha oziq-ovqat va boshqa maqsadlarda yiliga 80-100 mln tonna baliq ovlanadi.
Amfibiyalar (quruqlik va suvda yashovchilar). Bular ham ko‘plab hasharotlar va mollyuskalar populyatsiyasini tabiiy boshqarilishida ishtirok etadilar. Bir qator hayvonlar (qushlar, sudralib yuruvchilar va sut emizuvchilar) uchun ozuqa manbai hisoblanadilar. Bitta qurbaqa yoz davomida 1000 dan ortiq hasharot va shilliq qurtlarni yeyishi mumkin. Ularning ba’zi turlari, masalan, qurbaqalar ko‘plab xalqlar tomonidan tansiq taom sifatida iste’mol qilinadi.
Mollyuskalar (qorin oyoqlilar). Bu guruh jonzotlarining ko‘pchiligi suvliklarda, qisman quruqlikda yashashga moslashgan bo‘lib, ko‘pincha boshqa guruhdagi hayvonlar uchun ozuqa manbai hisoblanadilar. Ba’zi turlaridan inson chorva va parrandalar uchun ozuqa sifatida, Shuningdek, bezak buyumlari (chig‘anoq-sadaf) tayyorlashda foydalanadi. Bularning ko‘pchiligi suvlarning tabiiy tozalanishida (mollyuska - filtratorlar) faol ishtirok etadilar.
Hasharotlar. Bular hayvonlarning son jihatdan eng katta guruhi bo‘lib, ular asosan umurtqasiz organizmlar hisoblanadilar. Ularning hozirgacha ma’lum bo‘lgan turi 1 mln. dan ortiq. Shuning uchun ularni biosferadagi o‘rni ham aynan shu ko‘p sonliligi bilan belgilanadi. Masalan, bir gekgar o‘rmon tuprog‘ida 2,5 mln. gacha yomg‘ir chuvalchangi, 406 mln tagacha chumoli, termit, kana, qurt va boshqa minglab xildagi hasharotlar hayot kechiradilar va ularning biomassasi 1000 kg gacha yetishi mumkin.