Bir saatliq reje-konspekt 1-Oktyabr ustazlar hám muǵallimler kúnine arnalǵan tárbiyaliq saat

Bir saatliq reje-konspekt
1-Oktyabr ustazlar hám muǵallimler kúnine arnalǵan tárbiyaliq saat
Ózbekistan Respublikasiniń Birinshi Prezidenti Islam Karimovtiń 1996-jil 9-yanvardaǵi Pármani menen mámleketimizde 1-oktyabr “Ustazlar hám muǵallilmer kúni” dep belgilengen.
Jámiyettiń búgini hám keleshegi, oniń mádeniy hám mánáwiy rawaji, tálim sistemasiniń qay dárejede rawajlanǵanliǵi menen belgilenedi. Tálim-tárbiya sistemasindaǵi alip barilip atirǵan jumislardiń o’zin aqlawi bolsa kóp tárepten ustaz hám muǵallimlerge baylanisli. Sol sebepli mámleketimizde ustaz hám muǵallimlerge bolǵan húrmet-itibardiń jánede artiwi, jaslardiń bizden kóre bilimli, kúshli hám álbette baxitli boliwi ushin barliq shárayatlar jaratilip atir.
Hár bir insan, qay jerde islemesin, qanday kásip iyesi bolmasin, oǵan bilim hám tárbiya berip, ǵárezsiz ómirge baǵdarlaǵan insandi húrmet penen eske aladi.
Insan jasar eken, eń aldi menen, oniń bilim hám mánáwiy dúnyasina jol aship bergen, oniń kewlinde joqari insanity páziyletler sezimin sińdiw jolinda miynet etken ustaz hám muǵallimlerge qarata kewlimizde hár dayim minnetdarshiliq sezimi menen jasaydi.
Mektep bosaǵasina dáslep qádem qoyǵanimizda qolimizǵa qálem uslatip, álipbeni úyretken birinshi ustazimiz súwreti, ustazimizdiń jaliqpay islegen miynetlerin hár dayim shuqir entigiw menen esleymiz hám kewlimizde olarǵa degen húrmetti sezinemiz. Kóz nuri hám qálb qorin ustazday mashaqatli káspke baǵishlaǵan áziz ustazlarimizdi shin kewilden qutliqlap, minnetdarshiliq bildiriw biz shágirtler ushin hám qarz hám parz !
Dáryalar tawlardan saǵa alǵanday,
Sizler meniń náwpir saǵam bolǵansiz.
Bala kúnlerimde atqan tańlarday,
Ómirim quyshi, panam bolǵansiz.
Raxmet ustazlar, raxmetler sizge,
Bárhama nur jawsin qádemińizge.
Jeti jastan baslap házirlep bizgdi,
Ustaz degen ulli insan bolǵansiz.

Bilim shámenlerin sanama quyǵan,

Alǵisim kóp sizge kewlime jiyǵan.
Siz men ushin endi qádirli miyman,
Shin ustaz ádiwli insan bolǵansiz.

Ustaz haqqinda naqil-maqallar:

1. 
   Bir hárip úyretken ustazǵa qiriq jil sálem.
   

2. Ustaz - atańday ulli.
3. Ustazi joqtiń – ustami joq.
4.Ustazi jaqsiniń – ustami jaqsi.