Birlashgan millatlar tashkiloti taraqqiyot dasturining

BMTTDning ilk global loyihasi
Bir qator mintaqaviy loyihalarni amalga oshirish jarayonida 
boy tajriba orttirib, BMTTD o‘zining “Global One” deb 
nomlangan ilk butun dunyo miqyosidagi loyihasini boshlab 
yuboradi. Mazkur loyihaning asosiy maqsadi Mexikoning 
qishloq xo‘jaligi sohasidagi tadqiqot markazida oqsilga 
boy bo‘lgan makkajoxo‘rini yetishtirishdan iborat edi. 
Yillar o‘tishi bilan, mazkur loyiha doirasida o‘nlab yangi 
navlar yetishtirilib, bir qator mamlakatlarda yuzlab 
mutaxassislarni makkajo‘xorining yaxshilangan navlarini 
yetishtirish bo‘yicha tayyorlaydi.
Mingyillik taraqqiyot maqsadlari
Jahon tarixida misli bo‘lmagan xalqaro 
hamdamlikning sharofati bilan 2015 yilga qadar 
erishilishi lozim bo‘lgan sakkizta Mingyillik 
taraqqiyot maqsadlari BMT tomonidan rasman 
joriy etildi. Dunyoda o‘ta qashshoqlik va ochlikni 
butunlay yo‘q qilish – ushbu maqsadlarning 
eng ustuvorlari bo‘lib hisoblangan. Birlashgan 
Millatlar Tashkilotining taraqqioyt va rivojlanish 
sohasidagi yetakchi agentliklaridan biri bo‘lmish 
BMTTDning Mingyillik taraqqiyot maqsadlariga 
erishishdagi roli beqiyosdir.
“Ijtimoiy yaxshilik” 
BMTTD BMT jamg‘armasi, “92nd Street Y” 
va “Mashable” bilan birgalikda har yili bo‘lib 
o‘tadigan “Ijtimoiy yaxshilik” sammitining 
ilk yig‘ilishini tashkillashtiradi. Mazkur 
sammit Nyu-York shahri va BMTTDning bir 
qator mamlakatlardagi vakolatxonalarida 
tashkillashtirilib, uning ishtirokchilar butun 
dunyo aholisini tashvishga solayotgan 
ijtimoiy masalalarni muhokama qiladilar. 
2015 yilga kelib (rasmda tasvirlanganidek) 
mazkur sammit doirasida 109 mamlakat va 
hududlarda tegishli tadbirlar bo‘lib o‘tadi.
Global so‘rov
Birlashgan Millatlar Tashkilotining 
tarixida ilk bora BMTTD tomonidan 
“Mening dunyom” (“My World”) 
deb nomlanmish global so‘rovda 7 
milliondan ortiq odam qatnashadi, 
bularning yarmidan ko‘pini ayollar 
tashkil etadi. Ushbu so‘rovning 
maqsadi dunyo aholisi kelajakdagi 
dunyo qanday bo‘lishini orzu etadi 
degan savolga javob izlashdan 
iborat edi. So‘rov natijalari yangi 
taraqqiyot dasturi – Barqaror 
taraqqiyot maqsadlarini belgilab 
olishga asos bo‘lib xizmat qiladi.