Бирлашган Миллатлар Ташкилотининг Халқаро товарлар олди-сотдиси шартномалари тўғрисидаги

III - бўлим. Сотиб олувчи томонидан шартномани бузилган тақдирда ҳуқуқий ҳимоя воситалари
61 - модда

1) Агар сотиб олувчи шартнома бўйича ёки мазкур Конвенция бўйича ўзининг бирор-бир мажбуриятини бажармаса, сотувчи:

a) 62-65-моддалард кўзда тутилган ҳуқуқларни амалга ошириши ;

b) 74-77-моддаларда кўзда тутилганидек, зарарлар тўланишини талаб қилиши мумкин.

2) Сотувчининг ҳуқуқий ҳимоянинг бошқа воситаларига ўзининг ҳуқуқини амалга ошириши унинг зарарлар тўланишини талаб қилиш ҳуқуқидан маҳрум қилмайди.

3) Агар сотувчи шартнома бажарилишидан ҳуқуқий ҳимоянинг бирор-бир воситасига мурожаат қилса, ҳеч қандай кечиктириш суд ёки арбитраж томонидан сотиб олувчига тақдим қилина олмайди.

62 - модда

Сотувчи сотиб олувчидан нархни тўлаш, етказиб берилган нарсани қабул қилиш ёки у томонидан бошқа мажбуриятлар бажарилишини талаб қилиши мумкин, агар фақат сотувчи ҳуқуқий ҳимоянинг шундай талабга мос бўлмаган воситасига мурожаат қилмаса.

63 - модда

1) Сотувчи сотиб олувчи томонидан ўз мажбуриятлари бажарилиши учун оқилона давомийликнинг қўшимча муддатини ўрнатиши мумкин.

2) Сотувчи шундай тарзда ўрнатилган муддат мобайнида сотиб олувчидан ижро амалга ошмаслиги ҳақидаги хабарни олмаган ҳоллардан ташқари, сотувчи ушбу муддат мобайнида шартномани бажаришдан ҳуқуқий ҳимоянинг бирор-бир воситаларига мурожаат қила олмайди. Бироқ, сотувчи ижродаги кечиктириш учун зарар тўланишини талаб қилиш ҳуқуқидан маҳрум бўлмайди.

64 - модда

1) Сотувчи шартномани бекор қилиш ҳақида билдириши мумкин:

а) агар сотувчи томонидан шартнома бўйича ёки мазкур Конвенция бўйича унинг мажбуриятларидан бири бажарилмаслиги шартноманинг жиддий бузилишини ташкил қилса; ёки

b) агар сотиб олувчи 63-модданинг 1-бандига мувофиқ сотувчи томонидан ўрнатилган қўшимча муддат мобайнида нархни тўлаш ёки товар етказилишини қабул қилиш ёки шу тарзда ўрнатилган муддат мобайнида буни қилмаслиги ҳақида билдириш мажбуриятини бажармаса.

2) Бироқ, сотиб олувчи нархни тўлаб бўлган ҳолларда, сотувчи шартномани бекор қилиш ҳақида билдириш ҳуқуқини йўқотади, агар у буни қилмаса:

а) сотиб олувчи томонидан ижро кечикишига нисбатан
- сотувчи амалга ошган ижро тўғрисида билгунга қадар;

b) ижродаги кечиктиришдан ташқари шартноманинг ҳар қандай бошқа бузилишига нисбатан – оқилона муддат мобайнида:

(I) шундай бузилиш ҳақида билгандан сўнг ёки билиши зарур бўлгандан сўнг; ёки
(II) 63-модданинг 1-бандига мувофиқ сотувчи томонидан ўрнатилган қўшимча муддат тугагандан сўнг ёки сотиб олувчи шундай қўшимча муддат мобайнида ўзининг мажбуриятларини бажармаслиги ҳақида билдиргандан сўнг.
65 - модда

1) Агар шартнома асосида сотиб олувчи товарни тавсифлайдиган шакл, ҳажм ёки бошқа маълумотларни белгилаши лозим бўлса ва агар у шундай спецификацияни ёки келишилган муддатда ёки сотувчидан сўров олингандан сўнг оқилона муддатда тузмаса, охиргиси у эга бўлиши мумкин бўлган бошқа ҳар қандай ҳуқуқлар учун зарар етказмасдан сотувчига сотиб олувчининг маълум бўлиши мумкин бўлган шундай талабларига мувофиқ ушбу спецификацияни тузиши мумкин.

2) Агар сотувчи ўзи спецификацияни тузадиган бўлса, у сотиб олувчини унинг мазмуни ҳақида батафсил хабардор қилиши ва сотиб олувчи бошқа спецификацияни туза оладиган оқилона муддатни ўрнатиши лозим. Агар сотувчидан хабар олингандан сўнг сотиб олувчи буни шундай тарзда ўрнатилган муддатда қилмаса, сотувчи томонидан тузилган спецификация мажбурий бўлади.