Biz kelajak

GIYOHVANDLIKKA
 QARSHI 
KURASH
Asarda ilgari surilgan g‘oyalardan biri gi-
yohvandlik, ichkilikbozlikka qarshi kurash 
targ‘ibotidir. Agar bosh qahramon Elizabet bu-
lardan o‘z vaqtida chekina olmaganida na-
faqat shaxmatdan uzoqlashishi, balki oltinga 
teng isteʼdodini yo‘qotib qo‘yishi mumkin edi. Bir 
yoshning halokat sari yetaklovchi o‘rgimchak 
to‘ridan sog‘-salomat chiqib olishida sevim-
li mashg‘uloti katta o‘rin tutadi. Shunday ekan, 
aziz tengdoshlar, unutmaylik, salbiy va befoyda 
illatlar kelib chiqishining asl sababi vaqtni be-
huda sarf etishga, bir so‘z bilan aytganda, be-
korchilikka borib taqaladi. 
O‘YIN YOSHLARGA 
NIMA BERADI?
Asarni o‘qir ekanmiz, shaxmat juda ham 
qiziqarli kombinatsion o‘yin ekaniga amin 
bo‘lamiz. Hatto shaxmat haqida boshlang‘ich 
tushunchaga ega bo‘lmaganlar ham Xarmon 
xonimning taxta uzra misli ko‘rilmagan yurish-
lariga hech qiynalmay tushunishi mumkin. 
Ogohlantiramiz, shaxmatga qiziqib 
qolishingiz ehtimoli ham yuqori! 
Ota-onasidan juda erta yetim 
qolgan, mehribonlik uyida tar-
biya topayotgan qizaloqning 
shaxmat orqali erishgan 
muvaffaqiyatlari misolida 
ham ko‘rishimiz mumkinki, 
sportning eng xavfsiz va 
rivojlanishda katta o‘rin tu-
tuvchi bu turi foydali bo‘lsa, 
borki, aslo zarar emas. 
Aql gimnastikasi haqida yozilgan eng 
yoshlarbop asar haqida biroz maʼlumotga 
ega bo‘ldik, endi navbat bizni mutolaaga un-
dovchi asar asosida tuzilgan savollarga:
1.
Janob Sheybel Elizabetni 4 urinishda 
mag‘lub qilgan yurishning nomi nima?
2.
 “To‘g‘risini aytsam, qizaloq, sen aql bovar 
qilmas darajada yaxshi o‘ynayapsan”. Bu eʼtirofni 
eshitganida Elizabet Xarmon necha yoshda edi?
3.
 Qizaloqqa yetimxona televizorida beriladi­
gan komedik seriallardan ko‘ra, ko‘proq qaysi 
mashg‘ulot qiziqarliroq edi?