Бизнес фаолиятига солиқлар орқали таъсир этишнинг ўзига хос хусусиятлари

Тўғридан тўғри чет эл хусусий инвестицияси билан боғлиқ бўлган тўловчиларга солиқ солиш

Тўғридан-тўғри хусусий хорижий инвестицияларни жалб қилувчи ва қонун ҳужжатларида тасдиқланадиган рўйхат бўйича маҳсулот ишлаб чиқаришга ихтисослашган юридик шахслар қонун ҳужжатларига мувофиқ киритилган инвестиция ҳажмидан келиб чиққан ҳолда қуйидаги солиқлардан озод қилинади:

• Юридик шахслардан олинадиган фойда солиғи;
• Юридик шахсларнинг мол-мулкига солинадиган солиқ
• Ободонлаштириш ва ижтимоий инфратузилмани ривожлантириш солиғи
• Ягона солиқ тўловини
• Республика йўл жамғармасига мажбурий ажратмалар

Тўғридан-тўғри хусусий хорижий инвестициялар ҳажми қуйидагича бўлганда мазкур солиқ имтиёзлари берилади:

• 300 минг АҚШ долларидан 3 миллион АҚШ долларигача — 3 йил муддатга;
• 3 миллиондан ортиқ АҚШ долларидан 10 миллион АҚШ долларигача — 5 йил муддатга;
• 10 миллион АҚШ долларидан ортиқ бўлганда — 7 йил муддатга.

Солиқ имтиёзлари қуйидаги шартлар асосида қўлланилиши белгиланган:

-мазкур корхоналарни Тошкент шаҳри ва Тошкент вилоятини истисно қилган ҳолда, республиканинг барча шаҳарлари ва қишлоқ аҳоли пунктларида жойлаштириш;

-хорижий инвесторлар томонидан тўғридан-тўғри хусусий хорижий инвестицияларни Ўзбекистон Республикасининг кафолати берилмаган ҳолда амалга ошириш;

-корхонанинг устав капиталида хорижий иштирокчиларнинг улуши камида 33 фоизни ташкил этиши лозим;

-хорижий инвестицияларни эркин алмаштириладиган валюта ёки янги замонавий технологик ускуна тарзида қўйиш;

-мазкур имтиёзларни қўлланиш муддати давомида имтиёзлардан олинган даромаднинг камида 50 фоизини корхонани янада ривожлантириш мақсадида қайта инвестициялашга йўналтириш.

Товар айланмаси 1 млрд.сўмдан ошган якка тартибдаги тадбиркорлар учун
2019 йилдан бошлаб, товар айланмаси 1 млрд.сўмдан ошган якка тартибдаги тадбиркорлар фаолиятини тугатиб, юридик шахс ташкил этиб, умумбелгиланган солиқларни тўлайди.
1 млрд.сўмдан ошган ойнинг кейинги ойдан бошлаб ягона солиқ тўлови ўрнига:

• қўшилган қиймат солиғи,
• юридик шахслардан олинадиган фойда солиғи,
• юридик шахсларнинг мол-мулкига солинадиган солиқ,
• юридик шахслардан олинадиган ер солиғи,
• сув ресурсларидан фойдаланганлик учун солиқ,
• ягона ижтимоий тўлов,
• дивидендлар ва фоизларга солинадиган солиқ
• жисмоний шахслардан олинадиган даромад солиқларини тўлайди.