Biznes marafon

Qadrli yoshlar! Ko‘pchilikning taklif va istaklarini inobatga olib, “BIZNES MARAFON” loyihasining ikkinchi mavsumiga start berildi.

Dastlabki bosqichda yurtimizning barcha hududlaridan 35 mingdan ziyod yoshlarni qamrab olgan “BIZNES MARAFON” ning ikkinchi mavsumi Andijon, Namangan, Farg‘ona, Xorazm, Qashqadaryo va Surxondaryo, Buxoro, Navoiy, Jizzax hamda Sirdaryo viloyatlari, shuningdek, Qoraqalpog‘iston respublikasida tashkil etildi.

E’tiborli jihati, “BIZNES MARAFON” loyihasining ikkinchi mavsumi nafaqat viloyat va shahar markazlarida, balki chekka tumanlarning olis mahallalarida ham tashkil etilyapti.

Navbatdagi “Biznes marafon”:

15-dekabr, soat 14.00 da Toshkent viloyati Yangiyoʻl shahri - Madaniyat saroyida bo‘lib o‘tadi! Yaxshi g‘oyasi bor va tadbirkorlik qilishni rejalashtirgan yoshlar, imkoniyatni qo‘ldan boy bermang!

Zero, Yoshlar ishlari agentligi, “Yoshlar – kelajagimiz” jamg‘armasi va Mfaktor loyihasi hamkorligida o‘tkazilayotgan biznes marafonda O‘zbekistonning yetakchi tadbirkorlari bilan bevosita fikr almashish va biznes g‘oyalarini amalga oshirish uchun qimmatli maslahatlarni olish imkoniyatiga ega bo‘lasiz.

Biznes marafonda ishtirok etish istagida bo‘lganlar telegramdagi @biznesmarafon_bot orqali ro‘yxatdan o‘tishlari lozim bo‘ladi.

Shoshiling! O‘z biznesingizni bugundan boshlang!