Болалар карнай, сурнай, ноғора, доира чалиб байрамни очиб берадилар

Жарчи: Ана, куёш бобо нурингиздан бойчечак ҳам уйғонди.


Бола: Бойчечакнинг боласи қулоғида донаси
Донасини олайлик югуриб чиқсин онаси.


Бола: Бойчечак гул фаслидир Наврўз фаслин наслидир.
Бойчечагим бочечак кутиб олай ҳушчакчак.


Болалар «БОЙЧЕЧАК» қўшиғи фоннограммасига давра рақси тушиб берадилар.


Бошловчи: Шодликдан яйрасин дилларнинг бари,
Неки ғам, ташвиш бор чекинсин нари.
Сендек умри боқий бўлсин ёш-қари,
Хуш келдинг Наврўзим дилларга ҳамдам
Бизнинг қувончлардан қувонсин олам.


Болалар «Бум-бака-бум» рақсини ижро этиб берадилар.


Бошловчи: Бор эканда йўқ экан оч эканда тўқ экан шу яқин замонларда бир
ака ва сингил бўлган экан. Улар 12 ой билан учрашган эканлар. Воқеа бундай
бўлган экан. Энди давомини тамоша қиламиз.


Саҳна кўриниши.
/Мусиқа остида бир бола синглисини етаклаб байрамга кириб келади./


Бола : Қани , айтчи, декабрдан кейин қайси ой келади?
Синглиси: Март келади.
Бола: Ўйлаб гапиргин. Декабрь кейин январь келади.
Синглиси: Йўқ ноябрь келади!
Бола: Эй…Сенга ўзи боғча опанг ўргатганми ўзи? Декабрдан кейин январь келади.
Синглиси: Йўқ, ҳаммаси бирданига келади.

/Шу вақт даврага мусиқа остида Оймомо кириб келади./

Оймомо: Вой-бў! Баҳсингиз акс садоси осмону фалакни тутиб
кетдику.Бу нимаси? Байрам арафасида тортишувларга ўрин йўқ !


Бола: Қаранг, ойлар кетма-кет келади десам, қайсар синглим ишонмаяпти.
Сингил: Ҳаммаси бирданига келади дедиммми, ҳаммаси келади!
Оймомо: Гап буёқда денг ! Бўлмаса қулоқ солинг. 12 ой йил давомида, белгилланган тартибда бир-бирини қувалаб келадилар. Улар сеҳрли тунда ғаройиб гулхан атрофида учрашиб тўпланишади.