Бошқарув тизимининг структурали схемасини ишлаб чиқиш

2.2 Бошқарув тизимининг структурали схемасини ишлаб чиқиш.

Тизим икки пағонали иерарархик структурадан ташкил топган. Қуйи пағонада контроллерлар, кириш ва чиқиш тақсимлаш станцияси, датчиклар ва ижрочи механизмлардан ташкил топган. Юқориги пағонада иккита автоматлашган иш жойидан ташкил топган. Улар оператор технологларнинг иш ўрни ва Ethernet га улаш учун тармоқ модули.

Структура схемасида тизимнинг асосий функционал қисмлари, уларнинг вазифаси ва ўзаро боғланиши кўрсатилган.
Тизим элементларини алоҳида кўриб чиқамиз.
Асосий структура схемасига иккита ташкил этувчи киради:
- автоматик регулятор (PLC).
- ростлаш объекти.
Юқори поғона – оператив технологик персонал поғонаси, технологик жараёнларни назорат қилиш ва автоматик бошқариш, қуйи поғонага топшириқлар бериш, ижрочи механизмларни дистанцион бошқариш ва технологик жараён тарихини юритиш учун қўлланилади.
Юқори поғонада ишлаш учун интерфейс яратилган бўлиб, у технологик жараёнлар устидан умумий интеграциялашган бошқарув тизимини амалга оширади.
Юқори пағона қуйидагиларни ўз ичига олади:
- технологик маълумотларни йиғиш ва назорат қилиш;
- инсон – машина интерфейси таркибий тизимини (ИМИ)
- технологик параметрларни оператив режалаштириш ва ҳисоблаш таркибий тизими;
- технологик маълумотлар базасини юритиш таркибий тизими;
- маълумотларни рухсатсиз киришдан ҳимоялаш таркибий тизими;
- ҳодисаларни протоколлаштириш таркибий тизими;
- ҳисобот ҳужжатларини ҳосил қилиш таркибий тизими;
- технологик жиҳозларни бошқариш таркибий тизими;
- ахборот алмашиниш таркибий тизими
Қуйи поғона-автоматик бошқарув пағонаси, замонавий дастурланадиган мантиқий контроллерлар (ДМК) базасида амалга оширилган. Қуйи пағонада автоматик назорат, бошқарув, ростлаш ва аварияга қарши ҳимоя функциялари бажарилади.
Қуйи поғона ўз таркибига иккита функционал тизимни олади-технологик жараёнларни автоматик бошқарув тизими (АБТ) ва аварияга қарши автоматик ҳимоя (АҚҲ) тизими
Қуйи поғонага қуйидагилар киради:
- технологик маълумотларни йиғиш, бирламчи қайта ишлаш ва нзорат қилиш;
- ростлаш таркибий тизими;
- технологик жиҳозларни бошқариш таркибий тизими;
- мантиқий бошқариш таркибий тизими;
- мантиқий ҳимоя ва блакировка таркибий тизими;
- маълумотлар базасини юритиш таркибий тизими;
- технологик жиҳозлар комплексини автоматик диагностика қилиш таркибий тизими;
- ахборот алмашиш таркибий тизими;
- газлашганликни назорат қилиш таркибий тизими;
АҚҲ тизими бошқарувчи контроллерларда алоҳида дастур сегментлари ёрдамида амалга оширилган. Бу сегментлар юқори бажарилиш устунлигига эга бўлиши керак.
АҚҲ тизими технологик жараёнларни назорат қилиш ва аварияга қарши ҳимоялаш учун бир поғонали функционал тугалланган структурага эга. АҚҲ тизими АБТ билан физик бирлашган, яъни умумий ДМК ёрдамида АБТ яратилган.
Бошқарув тизими (БТ) контроллерларида автоматик бошқарув тизими ва аварияга қарши автоматик ҳимоя амалга оширилган. Бунда АҚҲ тизими БТ дан функционал ажралган ва алоҳида дастур блокларда амалга оширилган, юқори устунликка эга.
АҚҲ тизимининг ишончлилигини ошириш учун процессорларни резервлаш амалга оширилган.
АБТ да дастур-техник комплекси сифатида модулли ДМК лар оиласидан иборат воситалар ишлатилган: Simatic S7-300 – бошқарувчи процессор ва ESM ТР 80 типидаги Siemens фирмасининг киритиш- чиқариш тизимлари.