GUL TO’G’RISIDAGI UMUMIY TUSHUNCHA
Yopiq urug‘li o‘simliklar boshqa o‘simliklardan murakkab tuzilgan generativ (lot. generare — hosil bo‘lish, yaratilish) organlarning mavjudligi bilan farqladi. Yopiq urug‘li o‘simliklar mevali barglari (megasporofillari)ning chetlari bir-biri bilan qo‘shilib, bir yoki bir necha tuguncha hosil qiladi. Shu tuguncha ichida bitta yoki bir nechta urug‘kurtaklar (megasporangiylar) bo‘ladi. Urug‘lanishdan keyin shakllangan — o‘zgargan urug‘chi va tugunchadan meva, urug‘kurtakdan esa urug‘ hosil bo‘ladi.
YOPIQ URUG ’ LILARNING XUSUSIYATI:
Yopiq urug‘li o‘simliklarning xususiyatli belgilaridan yana biri shundan iboratki, urug‘kurtaklar gul tuguni ichida bo‘lganligi sababli, ularga ochiq urug‘lilardagiga o‘xshab changlar to‘g‘ridan-to‘g‘ri kelib tusholmaydi. Changlar odatda, yopishqoq suyuqlik chiqaradigan og‘izchaga turli yo‘l bilan kelib tushadi va pirovardida changlanish ro‘y beradi.
Do'stlaringiz bilan baham: |