«Bu bizniki» usulidan ma’lum mavzular o‘tilgach umumlashtirish, takrorlash, mustahkamlash darslarida foydalanish mumkin

E’tibortalab jihatlar:
«Bu bizniki» mashg‘ulotini o‘tkazishda quyidagi metodik talablarga e’tibor berish lozim:
a) dars jarayonida 15-20 minutni chorak oxirida yirik bo‘limlarni qaytarishda esa butun bir darsni ajaratish mumkin;
b) o‘yin mashg‘ulotini o‘tkazishdan avval unga o‘qituvchi puxta tayyorlanishi kerak;
v) mashg‘ulotni o‘tkazish uchun avvalo shu mavzuga oid bilimni takrorlash zarur;
g) o‘quvchilarning yosh xususiyatlari, qobiliyatlari darajasini e’tiborga olish darkor;
d) butun hamda bo‘lakning mohiyati butunni qismga ajaratish yo‘l-yo‘riqlari puxta o‘rgatilmog‘i shart.


Metodning samaradorligi:
«Bu bizniki» o‘yin usulini tajribada sinash natijasida uning quyidagi afzal tomonlari namoyon bo‘lganligi tasdiqlandi:

1. 
   Darsda o‘quvchilarning faolligi oshdi (chunki barcha o‘quvchilar “O‘ziniki”ni topish uchun harakat qiladi, mustaqil izlaydi)
   
2. 
   Har bir o‘quvchi o‘z bilimini namoyish qilish uchun o‘ziniikni topish uchun fikrlaydi, xotirlaydi, mushohada qiladi.
   
3. 
   Ko‘rganlarini solishtiradi, taqqoslaydi, to‘g‘risini tanlab oladi.
   
4. 
   Grammatik qoidalarning bevosita amaliyotda qo‘llanishini tekshiradi
   
5. 
   Ko‘rish orqali o‘quvchilarda savodxonlik oshadi.
   
6. 
   Bilmagan o‘rinlarni o‘rtoqlarining javoblari orqali bilib oladi.
   
7. 
   O‘quvchining darsga qiziqishi ortadi.
   
8. 
   Umumiylikdan xususiylikni, butundan qismni ajaratishni o‘rgadi.
   
9. 
   Kompyuter orqali tanlash, topish, xulosa chiqarishni o‘rganadi.
   

“Zinama-zina”

Yangi mavzu o’rganilganda uni mustahkamlash uchun, bo’lim yakunlanganda umumlashtirish, takrorlash, mustahkamlash darslarida foydalanish mumkin.

Bajarilish ketma-ketligi:
O‘quvchilar uch guruhga bo‘linadi. Har bir guruhning oxiridagi o‘quvchiga A, B, C harflari yozilgan javob varaqalari beriladi. O‘qituvchi test savolini va uning uch variantdagi javoblarini o‘qiydi. Oxirgi o‘rindagi o‘quvchi berilgan testdagi uchta javobdan to‘g‘ri javobni qo‘lidagi shartli belgilar asosida ko‘rsatadi: A yoki B yoxud C. Masalan: O‘qituvchi test savolini javob varinatlari bilan birga o‘qiydi: Jamlovchi ot qatnashgan gapni toping.
A) ular guldasta tayyorlashdi;
B) uchalasi birga ketishdi;
C) ikkovlon sayr qilishdi.
Test savollari va javoblari o‘qituvchi tomonidan o‘qilgach, o‘quvchilar zudlik bilan uch javobdan to‘g‘ri deb hisoblagan javobni anglatuvchi harfning tasviri tushirilgan varaqni ko‘rsatadilar. Agar javob to‘g‘ri bo‘lsa, javob varaqalari navbatdagi o‘quvchiga o‘tadi. To‘g‘ri javobni ko‘rsata olmagan o‘quvchi sherigiga – oldingi qatordagi o‘quvchiga javoblar varag‘ini bermaydi. Yana yuqoridagi holat takrorlanadi. Birinchi savolga to‘g‘ri javob ko‘rsata olmagan o‘quvchi bu safar javobni to‘g‘ri ko‘rsatsagina yonidagi sherigiga beradi. O‘quvchilardagi faollik, tezkorlik guruhdagi o‘rtoqlariga ijobiy ta’sir ko‘rsatadi. Agar o‘quvchilar to‘g‘ri javobni ko‘rsata olmasalar, guruh zinaning quyi pog‘onalarida qolib ketadi. Javoblar varag‘i o‘quvchilar qo‘lidan bir-biriga o‘tib oldingi qatordagi o‘quvchilarga yetib keladi va o‘sha guruh g‘olib bo‘ladi.