Bu blastomerlar deb ataladigan kichik hujayralarni hosil qilish uchun

Farq	To’liq
Qisman
Kariotip	46, XX yoki 46 XY	69, XXY
HCG	Juda yuqori darajada	O’rtacha yuqori darajada
Xoriokarsinoma	Ehtimolligi 2%	Ehtimolligi juda past
Patologiyasi	2 ta sperma + bo'sh tuxum	2 ta sperma + 1 ta tuxum

P.S. Xoriokarsinoma - invaziv trofoblastik o'smadir.

IMPLANTATSIYA

⦁ Implantatsiya (6-7 kunlar) - bu kontseptsiya mahsulotining (blastotsist) bachadon endometriumiga kirib borishi jarayonidir;
⦁ Implantatsiya - urug'lantirilgandan keyin 6 yoki 7-kunlarda boshlanadi va 12-kuni (hayz siklining 20-22-kunlari) da tugaydi;
⦁ Odatda, implantatsiya bachadon tanasining yuqori qismida o'rta sagittal tekislikda sodir bo'ladi;
⦁ Ko'pincha bu bachadonning orqa devorida (55%) yoki bachadonning old devorida (45%) sodir bo'ladi;
⦁ Insonda blastotsist endometriumga joylashadi, bu interstitsial implantatsiya deb ataladi;
⦁ Implantatsiya jarayonining ketma-ketligi:
▴ Blastosistning chiqishi: Zona pellucida implantatsiyani oldini oladi. Urug'lantirishning oltinchi kunida zona pellucida yo'qoladi;
▴ Blastotsist avvaliga trofoblastdagi mikrovillilar hisobiga endometriyning pinopodlariga kuchsiz bog’lanadi;
▴ Qutbli trofoblast bachadon epiteliysiga yopishadi. Ushbu yopishish blastosistdagi integrin va endometriydagi L-selektin retseptorlarining mustahkam bog’lanishi hisobiga ro’y beradi;
▴ Trofoblast proteolitik fermentlarni (xemokinlar) chiqaradi, ular endometriumni eroziya qilib, blastotsist uchun yo’l ochadi;
▴ Blastotsist endometrium ichiga to'liq joylashguncha chuqur ko'miladi;
▴ Yuzaki epiteliyning penetratsion nuqsoni urug'lantirilgandan keyin 9-kunida fibrin tiqin hosil bo'lishi bilan yopiladi.

⦁ Abnormal implantatsiya:

◾ Agar kontseptsiya odatdagi joyga, ya'ni bachadon tanasining yuqori qismiga endometriumga joylashtirilmasa, bu anormal yoki ektopik implantatsiya deb ataladi va bu ektopik homiladorlikka olib keladi;
◾ Ektopik homiladorlik implantatsiya joyiga qarab quyidagicha tasniflanadi:
▴ A. Bachadonning abnormal implantatsiyasi: Plasenta previa - bu bachadonning pastki segmentiga implantatsiya;
▴ B. Tubal implantatsiya: bachadon naychasiga implantatsiya. Bu eng keng tarqalgan ekstrauterin implantatsiya;
▴ C. Qorin bo'shlig'iga implantatsiya: Bu kam uchraydigan ektopik implantatsiya. Odatda tuxumdonda yoki tutqichda paydo bo'ladi.

⦁ Implantatsiya davrida trofoblastdagi o’zgarishlar:

◾ Qutbli trofoblast bachadon endometriumiga yopishishi bilan urug'lantirilgandan keyin 6-8 kundan keyin trofoblastlar ikki qatlamga differensiallana boshlaydi.
1) Sitotrofoblast → hujayraning ichki qatlamini hosil qiladi, mononuklear;
2) Sinsitiotrofoblast → tashqi qatlamni hosil qiladi. Sinsitiotrofoblast hujayralari aniq hujayra chegaralari bo'lmagan ko'p yadroli (multinuklear) protoplazmatik massa hosil qiladi;