Bulardan tashqari, tovush o'zgarishlarining yana quyidagi ko’rinishlari mavjud

AL va KHK darsligidan:

O‘qidi, o‘qitdi, o‘qishdi, o‘qildi fe’llarining hammasi harakat bilan shu harakatni yuzaga chiqaruvchi shaxs o‘rtasidagi munosabatni qanday ifodalashiga ko‘ra farqlanadi.

Fe’ldan anglashilgan harakat-holat bilan shu harakatni yuzaga chiqaruvchi shaxs o‘rtasidagi munosabatni ifodalovchi fe’l shakllariga nisbat shakllari, shunday shakllar tizimiga esa nisbat kategoriyasi deyiladi.

T/r	Nisbat turlari	Nisbat shakllari	Ma’nolari	Misollar
1.	Bosh nisbat	-	Harakatning ega orqali ifodalangan shaxs tomonidan bajarilishini bildiradi	o‘qidi, kelyapti
2.	Birgalik nisbat	-sh,-ish	Fe’l o‘zagidan ifodalangan harakatning bir necha shaxs tomonidan bajarilganini ifodalaydi	o‘qishdi, kelishyapti
3.	Orttirma nisbat	-dir(-tir), -giz (-kiz, -qiz, -g‘iz), -kaz (-qaz), -t, -iz, -ar, -sat	Fe’l o‘zagidan ifodalangan harakatga da’vat qilingan shaxs ma’nosini bildiradi	qoldirdi, keltirdi, kirgizdi, o‘tkazdi (o‘tkizdi), o‘qitdi, tomizdi, qaytardi, ko‘rsatdi
4.	O‘zlik nisbat	-l(-il), -n(-in)	Harakatni bajaruvchi shaxs bilan harakat tushgan obyekt birlashgan holda bo‘ladi	yuvindi, kiyindi, qo‘zg‘aldi
5.	Majhul nisbat	-l(-il), -n(-in)	Harakatni bajaruvchi shaxs noma’lum bo‘ladi	yuvildi, qilindi, bajarildi

Ba’zan bir nisbat ma’nosi o‘rnida boshqa nisbat shakllaridan foydalaniladi. Xususan, bosh nisbat ma’nosida birgalik nisbat shakllari qo‘llanilishi mumkin. Masalan, keldi-kelishdi, kelyapti-kelishyapti. Shuningdek, bosh nisbat ma’nosida majhul nisbat shakllaridan foydalaniladi: qildim o‘rniga qilindi, bajardim o‘rniga bajarildi, kiring o‘rniga kirilsin kabi. Bunday holat ma’lum uslub-emotsional ma’no talabi bilan ro‘y berdi. Ko‘pincha keyingi holat hurmat, kamtarlik ma’nolarini ifodalaydi.

Fe’lning lug‘aviy shakli sirasiga bo‘lishsizlik, nisbat, ravishdosh, sifatdosh, harakat nomi shakli, harakat tarzi (ko‘makchi fe’l), harakatning kuchsiz darajasi va davomiyligini bildiruvchi qo‘shimcha kiritilgan.