Dars rejasini tuzishni

Hisoboti
Men Xalimov Axror 06.09.2021dan 14.05.2022 gacha Toshkent Rishton tumanidagi 296-umumiy o’rta ta’lim maktabida malakaviy amaliyotda bo’ldim.
Amaliyot davomida 296- umumiy o`rta ta`lim maktabi amaliyotchi psixologining ta’lim muassasasining o’quv yili uchun ish rejasi, psixolog xonasini jihozlash va o’quv xonalari uchun psixologik xizmatga oid ko’rgazmali materiallar tayyorlashni, psixolog faoliyatiga oid hujjatlar nomenklaturasi, psixologik xizmatga doir huquqiy-meyoriy hujjatlar va ilmiyuslubiy adabiyotlar, psixologning ish tartibi bilan oylik, yillik ish rejalari, yuqoridan kelgan hujjatlar va ularining maktab rahbariyati tomonidan ijrosi uchun qilingan ishlari, maktab amaliyotchi psixologining o`quvchilar bilan bilan olib borgan diagnostik korreksion profilaktik ishlari bilan tanishdim.
Amaliyotim davrida ingliz tili o’qituvchilari bilan muntazam ish olib bordim va maktab ichki tartib-qoidalari bilan tanishdim va o’rgandim. O’qituvchilarning dars o’tish jarayonlarini kuzatdim va dars jarayoni uchun kerak bo’ladigan turli o’qitish metodlari, yangi pedagogik texnalogiyalarning dars davomida qo’llanilishini, shu bilan birga, noan’anaviy o’qitish uslublaridan foydalanishni va eng asosiysi pedagog sifatida o’quvchi bilan to’g’ri va samarali aloqa o’rnatishni kuzatdim va o’rgandim. Ingliz tili o’qituvchilari yordamida dars rejasini tuzishni, darslar uchun mustaqil ravishda konspekt yozishni, foydalanishni, darsni to’g’ri tashkillash, mavzuga mos bo’lgan materiallar, ko’rgazmali qurollar, tarqatma materiallar, mashqlar, mavzularga mos keladigan o’yinlar tayyorlashni, barcha o’quvchilar bilan birdek ishlashni, darsga jalb qila olishni, o’quvchilarni rag’batlashni, vaqt taqsimotini to’g’ri tashkil etishni o’rgandim va o’zim ham mustaqil ravishda o’quvchilarga dars o’tdim. Bunda menga o’qituvchilardan o’zlashtirgan bilimlarim samara berdi.
Amaliyotim mobaynida bir qancha ochiq darslarni kuzatdim va ularni qanday tashkillashni, nimalarga ko’piroq e'tiborli bo’lish kerakligini, qanday usullar orqali ochiq darslarni qiziqarli va samarali tashkil etishni o’rgandim.
Shu bilan birga maktabdagi jamoat ishlarida ham faol ishtirok etishga harakat qildim. Sinflarda o’tkaziladigan ma’naviyat soatlarida muntazam qatnashdim. Ma’naviyat soatlarini olib borishni kuzatish jarayonida guruh rahbari ish rejasi asosida ma’naviy-ma’rifiy ishlarni amalga oshirishni o’rgandim. Davomati va o’zlashtirishi past o’quvchilar bilan ish olib borishni, ularga ko’maklashishni o’zlashtirdim. Bunda menga sinf rahbarlarning yo’l-yo’riqlari yordam berdi.
Shuningdek, amaliyotim davomida bo’lib o’tkan bir nechta tadbirlarda ishtirok etdim va ularni tashkillash jarayonida o’qituvchilarimga yordam berdim. O’zim ham mustaqil tarzda tadbir o’tkazdim. Bunda, albatta, maktabdagi ustozlar va o’quvchilarning yordamlari katta madad bo’ldi.
Ishonamanki, ushbu amaliyot davrida o’rgangan va keyingi bosqichlarda o’rganadigan bilim va tajribalarim menga kelajakda ish faoliyatimda va albatta yetuk malakali mutaxassis bo’lib yetishishimda katta yordam beradi.
Menga ajratilgan guruhlarning psixologik papkasidagi ma’lumotlarni tahlil qildim. Ijtimoi-psixologik moslashishi qiyin bo’lgan o’quvchilar, Iqtidorli o’quvchilar haqida ma’lumotga ega bo’ldim. “Suxbat” metodi yordamida o’quvchilarning ta’lim muassasasi faoliyatidan qoniqishishi o’rgandim. Biriktirilgan guruh o’quvchilar o’rtasida temperamentni aniqladim. Kommunikativ muloqotchanlikni rivojlantirish yuzasidan trening tashkil etdim. Biriktirilgan guruh o’quvchilarning harakter tipini aniqlash bo’yicha (Karl Yung) metodikasini qo’lladim
Pedagogik amaliyot haqida xulosam shuki, o‘rgangna bilim va ko‘nikmalarni amaliyotda sinamasdan biror kasb egasi bo‘lish qiyin. Bunday tajriba oshirish uchun yillar davomida harakat qilinar ekan. Buning uchun esa 4 yil o‘qishning o‘zi kamlik qiladi. Bo`lajak pedagog-psixolog xodim uchun eng kerakli narsa o`quv jarayonini nazorat qila olish. Bunda bizga eng kerakli xislatlar mutaxassislik fanlarimizning barchasi hamda psixologiya, nutq madaniyati, kabi fanlarni mukammal bilishni taqazo etadi.
Amaliyot rahbari: ________________________________
Pedagogika va psixologiya fakulteti
401 guruh talabasi Xalimov.A ______________