Davlat soliq xizmati organlari faoliyatiga oid savol-javoblar

27. Yuridik shaxslarning turlarini sanab bering. 
Javob: 
Fuqarolik va Soliq kodekslari, Qonunlar singari me’yoriy-huquqiy aktlar 
asosida belgilab berilgan tijoriy yuridik shaxslarning bir necha turlari mavjud. 

---

Aksiyadorlik jamiyati, Sho‘ba xo‘jalik jamiyatlari, Unitar korxona, Vakolatxona 
va filiallari, Doimiy muassasalar, va Xolding 
28. Soliq qarzini uzish to‘g‘risidagi talabnomaga ta’rif bering. 
Javob: 
Soliq to‘lovchiga uning zimmasidagi soliq qarzi summasi to‘g‘risida, 
shuningdek shu qarz summasini belgilangan muddatda to‘lash majburiyati haqida xabar 
yuborish soliq qarzini uzish to‘g‘risidagi talabnomadir. 
Soliq qarzini uzish to‘g‘risidagi talabnoma soliq to‘lovchiga soliq haqidagi 
qonunchilikni buzganlik uchun javobgarlikka tortilishidan qat’i nazar yuboriladi. 
29. Tan olingan soliq qarzi nima? 
Javob; 
soliq qarzini uzish to‘g‘risidagi talabnoma berilgan sanadan boshlab o‘n 
kalendar kun ichida soliq to‘lovchi tomonidan e’tiroz bildirilmagan qarz yoki sud qarori 
bilan tasdiqlangan qarz; 
30. O‘zbekiston Respublikasi Prezidentining 2020 yil 19 martdagi 
“Koronavirus pandemiyasi va global inqiroz holatlarining iqtisodiyot tarmoqlariga 
salbiy ta’sirini yumshatish bo‘yicha birinchi navbatdagi chora-tadbirlar 
to‘g‘risida”gi PF-5969-son farmonida soliq tekshiruvlariga oid qanday tartib-
qoidalar nazarda tutildi? 
Javob: 
2021 yil 1 yanvarga qadar tadbirkorlik sub’ektlarining faoliyatini soliq 
auditidan o‘tkazish to‘xtatilsin, jinoyat ishlari doirasida va yuridik shaxsni tugatish 
munosabati bilan soliq auditidan o‘tkazish bundan mustasno. 
31. Jismoniy shaxslardan olinadigan yer solig‘ining soliq solish ob’ekti nima? 
Javob: 
jismoniy shaxslardan olinadigan yer solig‘ining soliq solish ob’ektlari, 
dehqon xo‘jaligini yuritish uchun meros qilib qoldiriladigan umrbod egalik qilishga 
berilgan yer uchastkalari, yakka tartibda uy-joy qurilishi uchun meros qilib qoldiriladigan 
umrbod egalik qilishga berilgan yer uchastkalari, jamoa bog‘dorchiligi, uzumchiligi va 
polizchiligini yuritish uchun berilgan, shuningdek yakka tartibdagi va jamoa garajlari 
egallagan yer uchastkalari, xizmat yuzasidan berilgan chek yerlar, meros bo‘yicha, hadya 
qilinishi yoki sotib olinishi natijasida uy-joy va imoratlar bilan birgalikda mulk huquqi, 
egalik qilish va foydalanish huquqi ham o‘tgan yer uchastkalari, qonunchilikda 
belgilangan tartibda mulk qilib sotib olingan yer uchastkalari va tadbirkorlik faoliyatini 
yuritish uchun foydalanishga yoki ijaraga berilgan yer uchastkalaridir.