Didaktik topshiriqlar

DIDAKTIK TOPSHIRIQLAR

1. 
   “Sinkveyn” metodi
   

“Sinkveyn” so‘zi “Besh qator” degan ma’noni anglatadi.
Unda o‘qituvchi faqat bitta ot so‘z turkumiga oid so‘zni o‘quvchilarga taqdim etadi. O‘quvchilar 2-qatorda shu so‘zni ikkita sifat bilan, 3-qatorda uchta fe’l bilan tasvirlaydilar. 4-qatorda esa shu so‘z ishtirokida to‘rt so‘zli jumla yozadilar,
5-qatorda yuqoridagi so‘zni boshqa bir ma’nodosh (sinonim)ga almashtirib yozadilar. Sinkveyn ifodali o‘qilishi ham lozim.
Masalan:
Hayot
Jo‘shqin, faol
Tarbiyalaydi, o‘rgatadi, charxlaydi
Hayot mudom etadi davom.
Tiriklik
Dushman
Kuchli, qo‘rqmas
Yiqitadi, yig‘latadi, izlatadi
Yaqin do‘stim - xavfli dushmanim.
Raqib
Siz ham quyidagi so‘zlarga sinkveyn yarating va ifodali o‘qing.
Marjon, kitob, limon, ko‘cha, oftob, dugona

2. 
   “Talaffuzdan adashmang” o‘yini.
   

Bunda o‘quvchilar mashqda ko‘rsatilgan h va x va f va p harfli so‘zlardan gap tuzish topshiriladi.
Masalan: shoh- davlat boshlig‘i, podshoh
Shox – daraxtning novdasi, bir bo‘lagi
Eng ko‘p gap tuzgan guruh g‘olib hisoblanadi

3. 
   “Kim ifodali o‘qiy oladi” o‘yini.
   

Bunda guruh o‘quvchilari kelishib, faqat bir kishi tanlab, guruh iste’dodini sinab ko‘rish uchun ifodali o‘qish tarzda biror she’r aytish sharti qo‘yiladi.
“Eng chiroyli she’r aytish” nominatsiyasini uyushtiriladi.

4. 
   IJODIY TOPSHIRIQLAR:
   

1. 
   Ertakni davom ettiring.
   

Kunlardan bir kuni alifboning birinchi va oxirgi harflarining o‘rni almashib qolibdi…
Yozgan ertagingizni ifodali o‘qing.
______________________________________________________________

2. 
   Daryo bilan xayolan suhbatlashing. Suhbatingizni yozing. Ifodali o‘qib eshittiring.
   

__________________________________________________________________

3. 
   Siz hurmat qiladigan biror davlat rahbariga maktub yozing. Ifodali o‘qib bering.
   

_____________________________________________________________

4. 
   Siz teleboshlovchisiz... Jurnalistlik qobiliyatingizni namoyon qiluvchi matn yarating va ifodali ijro etib bering.
   

_________________________________________________________________

5. 
   Ko‘zgudagi aksingiz bilan xayolan suhbatlashing. Ifodali o‘qib eshittiring.