Диплом иловаларидаги фанларни тавсифлаш учун намунавий матнлар

Дарс номи: КЛИНИК ФАРМАКОЛОГИЯДА ФИТОТЕРАПИЯ АСОСЛАРИ
Ажратилган соат: 00 (назарий 00 соат, амалий 00 соат)
Дарснинг мазмуни: Клиник фармакология фани ўқув режанинг клиник фанлар блокига тааллуқлидир. Клиник фармакология фани талабаларга даволаш профилактика муассасаларида касалликларни даволашда дори воситаларини қўллаш қоидаларига риоя қилишда билим ва амалий кўникмаларни, керакли тадбир чораларини билиши, хамда амалиётда ишлата билиш имкониятини беради. Клиник фармакология фанининг дастурини амалга оширишда ўқув режасидаги клиникагача (физиология, анатомия, биокимё, микробиология, вирусология, иммунология, лотин тили ва тиббий терминология) ва клиник (педиатрия, терапия, нутрициология, хирургия, акушерлик ва гинекологияда ҳамширалик иши, тез тиббий ёрдам ва бошқа) фанларидан етарли билим ва кўникмаларга эга бўлишни талаб этилади.


Дарс номи: ТЕРАПИЯДА ҲАМШИРАЛИК ИШИ
Ажратилган соат: 00 (назарий 00 соат, амалий 00 соат)
Дарснинг мазмуни: Терапияда ҳамширалик иши фани ўқув режанинг клиник фанлари блокига тааллуқли бўлиб, талабаларда терапевтик касалликлар ҳақида тушунча, ички касалликларда одам организмида бўладиган ўзгаришлар, уларнинг этнопатогенези, клиник симптомлари, ташхис қўйиш ва даволаш тамойиллари, ҳамширалик жараёни ҳусусиятларини, шифокоргача булган шошилинч ёрдам чоралари, клиник ва биохимик текширувлар, энг кўп учрайдиган ички аъзолар касалликларида беморларга илмий асосланган ҳолда парвариш олиб бориш, ҳамширалик жараёни асосида замонавий ёрдам кўрсатиш, врач кўрсатмаларини масъулият билан бажариш, аниқ ҳамширалик ташхисини қўйиш ва ҳамширалик ёзувларини сифатли юритишни ўргатиш каби малакаларни шакллантиради.


Дарс номи: ХИРУРГИЯДА ҲАМШИРАЛИК ИШИ
Ажратилган соат: 00 (назарий 00 соат, амалий 00 соат)
Дарснинг мазмуни: Хирургия ва ҳарбий дала хирургиясида ҳамширалик иши фани ўқув режанинг клиник модуллари блокига таллуқли бўлиб, талабалар ҳамширалик ташхисини қўйиш ва уни асослашга тайёрлаш, хирургия ишини ташкил қилиш, врачгача бўлган ҳолатларда шошилинч тез тиббий ёрдамга мухтож беморларга замонавий усулларда тез тиббий шошилинч ёрдам кўрсатиш, ҳаётга хавф солувчи ҳолатларда беморларга тезкор ёрдам курсатиш чора-тадбирлари, операциядан кейинги даврда беморлар парвариши, ҳамшира ташҳиси ва парваришининг ўрни, боғлам турлари ва боғлам қўйиш қоидалари, реанимация асослари ва терминал ҳолатлар, замонавий тиббий технологиялар тўғрисида маълумот оладилар.