Дипломатия университети " Халқаро иқтисодиёт ва Менежмент"

ЎЗБЕКИСТОН РЕСПУБЛИКАСИ ТАШҚИ ИШЛАР ВАЗИРЛИГИ
ЖАҲОН ИҚТИСОДИЁТИ ВА ДИПЛОМАТИЯ УНИВЕРСИТЕТИ
“Халқаро иқтисодиёт ва Менежмент” факултети
Халқаро иқтисодий муносабатлар фанидан

КУРС ИШИ
Мавзу: Халқаро ишчи кучи миграциясини тартибга солиш усуллари.

0-2а-17 гуруҳи талабаси

Бажарди: Муродуллаев Б

Тошкент -2021

Мундарежа:
КИРИШ
I БОБ. Ташқи меҳнат миграцияcини назарий – методологик асослари
1.1 Ташқи меҳнат миграцияси тушунчаси ва унинг вужудга
келиши омиллари.

1.2Ташқи меҳнат миграцияси жараёнларини ўрганишнинг назарий методологик асослари.
II БОБ. Дунёда меҳнат миграциясининг ҳозирги ҳолати тенденциялари.
2.1Дунёда меҳнат миграциясининг асосий тенденциялари.
2.2Ташқи меҳнат миграциясини тартибга солишнинг халқаро тажрибаси.
III БОБ. Ўзбекистонда ташқи меҳнат миграциясини тартибга солиш механизмини такомиллаштириш

1. 
   Ўзбекистонда ташқи меҳнат миграциясини тартибга солиш механизмини такомиллаштириш.
   
2. 
   Хорижда меҳнат қилаётган Ўзбекистонлик мигрантларнинг ижтимоий-иқтисодий аҳволи, ҳуқуқи ва имтиёзлари.
   
3. 
   Ташқи меҳнат миграциясининг ижтимоий-иқтисодий ривожлашланишдаги аҳамияти. Пандемия, бугунги ҳолат ва келгусида кутилаётган хавфлар.
   

ХУЛОСА.
ФОЙДАЛАНИЛГАН АДАБИЁТЛАР.

КИРИШ
Курс ишининг долзарблиги: Маълумки кейинги йилларда мамлакатимизда янги иш ўринларини ташкил этиш орқали аҳоли бандлигини таъминлашга жиддий эътибор қаратилмоқда. Ишсизлик даражасини ошиб кетишининг олдини олиш, ёшларни иш билан таъминлаш мақсадида аҳоли бандлигини таминлаш дастурлари бўйича вазифалар самарали амалга оширилмоқда. Бунинг натижасида, ҳар йили меҳнат бозорига катта салмоқда янги ишчи кучи кириб келишига қарамасдан, ишсизлик кўрсаткичлари бир маромда ўртача 10 фоизни ташкил этмоқда. Ҳозирги кунда миграция жаҳон ҳамжамиятини хавотирга солаётган долзарб муаммоларнинг бирига айланди. Миграция муаммолари кишилик жамияти шакллангандан бери мавжуд ва ўтмишда миграцияни вужудга келтирган омиллар айни кунларда ҳам сақланиб турибди, ҳатто уларнинг долзарблиги янада ортган, чунки ҳозирги замон технологияларининг тараққиёти ахборот ва алоқа билан боғлиқ муаммоларни ҳал этади. Давлатлар ўртасидаги демографик ва иқтисодий тафовутлар чуқурлашуви, одамларнинг чегаралардан ўтиши кўринишидаги “табиий реакция” ни вужудга келтирди. Ҳозирги замонда миграция муаммолари миллий ва халқаро даражада олиб бориладиган давлат сиёсати муҳокмаларида марказий ўрин тутади.