Doimiy ravishda “Aqliy hujumni” qo’llash

So’zlaringizni ehtiyotkorlik bilan tanlang.
Mijozni ilk bor uchratganda, sotuvchi u telefonda bo'lsa ham yoki boshqa ish bilan mashg'ul bo'lsada, mahsulot haqida gapiraveradi. Xaridorning fikr-u hayoli ming kilometr uzoqlikda. U sizga e'tibor bermayapti. Ehtimol siz uning yonginasidadirsiz, lekin u hali ham hayotidagi boshqa narsalar bilan ovora. Sizning vazifangiz bu buni oldini olishdir. Sizning birinchi so'zlaringiz oynani tosh otib sindirgandek ta'sirga ega bo'lishi darkor. Uning diqqatini jalb qiluvchi kirish so'zi yoki savol o'ylab toping. Ushbu jumla mahsulotingiz yoki xizmatingizdan olinadigan foydani maqsad qilib olishi kerak, ammo bor urg'u mahsulot yoki xizmatning o'zida bo'lib qolmasligi kerak.
Ko'p yillar oldin Corning Glass-da ishlaydigan sotuvchi bor edi.

Bu yil kompaniya birinchi bo'lib xavfsizlik oynasini taqdim etdi. Ushbu mahsulotning ikkita qism o'rtasida shaffof plastik qadoq mavjud edi.

Natijada, u o'sha kezlardagi boshqa oynalar singari parchalanmadi. Bu yosh sotuvchi yangi mahsuloti bilan katta maydonga kirib keldi hamda bir yil ichida u Shimoliy Amerikadagi xavfsizlik oynalarining eng yaxshi sotuvchisi bo'ldi. Milliy savdo konferentsiyasida u savdo uchun birinchi sovrinni oldi va undan o'z sirlarini boshqa sotuvchlarga aytib berishini so'rashdi. Ular uning qanday qilib bu turdagi mahsulotni boshqalarga nisbatan juda ham ko'p sotganini bilmoqchi edilar.
Foyda ko'rsating
U quyidagicha tushuntirdi: “Avvalo, men zavodga kirib xavfsizlik oynasini namuna uchun 6 dyumli kvadrat shakldagi donachalarga kesdirib oldim. Mijoz bilan uchrashgan vaqt o'zim bilan bu donachalarga qo'shib bolg'acha ham oldim va mijozdan:

"Oynani sinmasligini o'z ko'zingiz bilan ko'rishni istaysizmi?” - deb so'radim. Deyarli har doim mijozlar buning imkonsiz ekanligini aytishardi. Keyin men oyna namunasini ularning stoliga qo'yib, bolg'acha bilan urardim, mijoz esa beixtiyor sakrab tushib, o'zini ko'zlarini himoya qilish uchun qo'llari bilan to'sib olardi. U pastga qarab, parchalanmagan shishani ko'rib hayron qolar edi. Hammasi juda oddiy edi. Shundan so’ng men shunchaki qancha buyurtma qilishini so’rardim va chek yozishni boshlardim”.