Ekologya kafedrasi amaliy ekologiya fanidan

1.4. Kurs ishini rasmiylashtirishning o‘ziga xos xususiyatlari

Kurs ishi mazmunli va talaba tomonidan mustaqil tayyorlangan bo‘lishi bilan birga, to‘g‘ri rasmiylashtirilishi ham zarur (1, 2 va 3 ilovalarda berilgan).
Kurs ishining strukturasi umumiy holda quyidagicha:

1. 
   Titul (zarvaraq) varaq.
   

1. 
   Mundarija.
   

2. 
   Kirish.
   
3. 
   Adabiyotlar sharhi
   
4. 
   Asosiy qism (2 ta bobdan iborat bo‘lishi ham mumkin).
   
5. 
   Xulosa.
   
6. 
   Adabiyotlar ro‘yxati.
   
7. 
   Ilovalar.
   

Kurs ishi zarvaraq bilan ochiladi, unda tashkilot, universitet, kafedra nomi, ishning mavzusi, muallif, rahbarning familiyasi, yozilgan joyi va yili ko‘rsatiladi. Keyingi betda mundarija joylashgan bo‘lib, unda har bir qism (bob) va band nomi beti ko‘rsatilgan holda beriladi.
Kirish qismi muammoning umumiy tarzda qo‘yilishi, foydalanilgan adabiyotlar va boshqa manbalarning sharhini o‘z ichiga oladi.
Asosiy qismda 1-bobda bevosita muammo ochib beriladi. Bunda faqat masalaning ahamiyatigina emas, balki turli mualliflarning qarashlarini aks ettirish muhim ahamiyatga ega bo‘ladi. Ishda berilgan 2-bobda muammoni xal etish bo‘yicha tavsiyalar beriladi.
Xulosa asosan kurs ishi yakunlari, natijalaridan iborat bo‘lib, unda bildirilgan mustaqil fikr va baholarga urg‘u beriladi.
Foydalanilgan adabiyotlar ro‘yxati uch qismdan: asosiy adabiyotlar, qo‘shimcha adabiyotlar va axborot-uslubiy qo‘llanmalardan iborat bo‘lishi mumkin. Asosiy matnga kirmagan materiallar ishning oxirida ilovalar ko‘rinishida keltiriladi. Ular hisob-kitoblar, rasmlar, jadvallar, grafiklar va h.k. bo‘lishi mumkin. Agar ilovalar bo‘lsa, ular raqamlanadi. Har bir ilova yangi betdan boshlanishi va yuqoridan o‘ng tomonda tartib raqami ko‘rsatilgan ILOVA so‘zi bo‘lishi lozim. Sarlavhasi esa betning o‘rtasidan yoziladi. Ilovalar matnda ularga havola berilgan tartibda joylashtiriladi.