Microsoft Word dasturida matnlarni tahrirlash mavzusini muammoli savol va vaziyatlar asosida o’rgatishni tashkil etish
MUNDARIJA
Kirish........................................................................................................................
Muammoli o’qitish texnologiyasiga asoslangan dars mashg’ulotining mazmuni, ta`lim berish modeli va texnologik xaritasi........................
Mavzuga oid muammoli savol va topshiriqlar ishlab chiqish.................
Muammoli vaziyatlarni hal etish uchun kichik guruhlar faoliyatini tashkil etish..........................................................................................
Muammoli topshiriqlarni baholash va rag’batlantirishni amalga oshirish....................................................................................................
Xulosa…………………………………………………………….............
Foydalanilgan adabiyotlar……………………………………................
KIRISH
Dunyoda turmoq uchun dunyoviy
fan va ilm lozimdur, zamona ilmi
va fanidan bebahra millat bosh-
qalarga poymol bo’lur.
Maxmudxo’ja Behbudiy
Hozirgi o’tish davrida kelajagi buyuk davlat qurishga va dadil qadamlar bilan bu vazifani amalga oshirishga qodir bo’lgan barkamol avlodga ta`lim-tarbiya berish ta`limning asosiy vazifasidir.
Ertangi kunning egalari, jamiyatni rivojlantiruvchi va uni rivojlangan davlatlar darajasiga yetkazuvchi kuchning o’zagini tashkil etuvchi yoshlar bugun turli ta`lim muassasalarida ta`lim tarbiya olishmoqda. Tajribalar shuni ko’rsatadiki, bu yo’nalishda mamlakatimiz yoshlari salohiyati rivojlangan mamlakatlar yoshlaridan kam emas. Respublikamiz Prezidenti tomonidan 2010 yilni “Barkamol avlod yili” deb e`lon qilinishi esa mamlakatimiz yoshlarini axborot-kommunikatsiya texnologiyalarini zamonaviy darajada o’zlashtirishda va hayotga joriy etishda yanada ruhlantiradi.
Ma`lumki, XXI asrni – axborot texnologiyalari asri deb ta`kidlashmokda. YA`ni, jamiyat hayoti va rivojlanishida hozirda axborot – kommunikatsiya texnologiyalari asosiy omillardan biri bo’lib xizmat qilmoqda. Zeroki, zamonaviy komp yuterlardan amaliy ish faoliyatida foydalana oladigan yetuk mutaxassislar bugungi kunda mamlakatimiz qudratini mustahkamlashga qaratilgan barcha iqtisodiy va ma`naviy sohalar uchun juda zarurdir.
Hozirda mamlakatimizda axborot-kommunikatsiya sohasida faoliyat ko’rsatayotgan korxona, firma va kompaniyalar, ilmiy va o’quv muassasalari soha bo’yicha zamonaviy texnologiyalarni tezkorlik bilan jamiyat hayotiga tadbiq qilish bilan shug’ullanib kelmoqdalar. Vazirlar mahkamasining «Komp`yuterlashtirishni yanada rivojlantirishning 2002-2012 yillarga mo’ljallangan davlat dasturi»ni hayotga keng joriy etishda boshqa tarmoqlar kabi ta`lim tizimining hissasi ham benihoya kattadir. Buning uchun esa barcha ta’lim muassasalarida zamonaviy axborot texnologiyalarini dunyoda mavjud bo’lgan ilg’or va zamonaviy informatsion-pedagogik texnologiyalar asosida o’rgatish, ularni o’quv jarayoniga tadbiq etish uchun zamonaviy uslublarni ishlab chiqish muhim vazifalardan hisoblanadi. Ayniqsa, maktabda informatika fani dars mashg’ulotlarini samarali olib borish, buning uchun lozim bo’lgan yangi ta`lim va zamonaviy texnologiyalardan foydalanish, mashg’ulotga qiziqtiruvchi turli xil didaktik vositalarni ishlab chiqish, kichik guruhlar faoliyatini tashkil etish uchun muammoli savol va topshiriqlarni maqsadga muvofiq tanlash o’zlashtirish samaradorligiga ijobiy ta’sir etishi mumkin.
Fikrimiz yakuni sifatida I. Karimovning quyidagi fikrlarini ta`kidlaymiz: «Ilm, ma`rifat biz uchun bugun ham o’z ahamiyatini yo’qotgani yo’q, yo’qolmaydi ham. Aql-zakovatli, yuksak ma`naviyatli kishilarni tarbiyalay olsakkina oldimizga qo’ygan maqsadlarimizga erisha olamiz».
Do'stlaringiz bilan baham: |