Elektron hukumatni amalga oshirishning muvaffaqiyat va xavf omillari

Umuman olganda fuqarolar tomonidagi havlarga quyidagilar kiradi:

• Raqamli tengsizlik
• Bilimlar yetishmasligi
• Foydalanishda qulay emasligi
• Rag‘batlantirishlarning yetishmasligi
• Ishonchning yetishmasligi
• Tushunmovchilik
• Hukumat tomonidagi havflarga quyidagilar kiradi:
• Murakkablik
• Vazirlik tizimlarining to‘liq integratsiya bo‘lmaganligi
• Qobiliyat yetishmovchiligi
• Inson resurslarining cheklanganligi
• Moliyaviy resurslarning cheklanganligi

O‘rganishlar shuni ko‘rsatadiki, butun dunyo bo‘yicha 35 foiz elektron hukumat loyihalari muvaffaqiyatsizlikka uchragan, 50 foizi qisman va faqatgina 15 foizi esa to‘liq muvaffaqiyatga erishgan. Rivojlanayotgan davlatlarda elektron hukumatni joriy etishda muvaffaqiyatsizlikka olib boruvchi omillar quyidagilar hisoblanadi:

• Davlat organlari bilan hamkorlikning yetishmasligi
• Sharoitga mos bo‘lmagan rejalar va strategiyalar
• Malakali mutaxassislarning yetishmasligi
• Investitsiya rejasining yo‘qligi
• Yangi texnologiyalar yetishmasligi
• Tayyorgarliksiz tezkorlik bilan amalga oshirish.
• Elektron hukumatni to‘liq ishga tushirish juda murakkab jarayon, chunki yangi axborot tizimlarining tadbiq qilinishi aholi uchun yangilik hisoblanadi

Hukumat o‘zining imkoniyat va tayyorgarliklaridan kelib chiqib elektron hukumatni amalga oshirish rejasini tuzib chiqadi. Osiyo davlatlari siyosiy, iqtisodiy, ijtimoiy va boshqaruv apparatlari turli xil bo‘lishiga qarab xarakterlanadi va har bir mamlakatning o‘z vaziyatidan kelib chiqib turli xil yondashuvlar qabul qilinishi talab etiladi.

Elektron hukumatni amalga oshirish

Yuqorida ta’kidlanganidek, elektron hukumatni amalga oshirish davomiy jarayondir. Elektron hukumatni rivojlantirish bosqichma-bosqich amalga oshiriladi. Elektron hukumat bir nechta ketma-ket bo‘lmagan bosqichlar to‘plami hisoblanib, oshib borayotgan imkoniyatlar darajasi, bilimlar va infratuzilmaga asoslangan. Ommaga ma’lum modellar Birlashgan Millatlar Tashkiloti va Jaxon Banki tomonidan ishlab chiqilgan. Ular elektron hukumatni tadrijiy jarayon sifatida ko‘rishadi. Birlashgan Millatlar Tashkilotining tadqiqotiga ko‘ra elektron hukumat o‘sishini aniqlashda beshta bosqich mavjud. Tadqiqotlar shuni ko‘rsatdiki, elektron hukumatni amalga oshirish bosqichlari hukumatning tayyorgarlik darajasi bo‘lib, asosan aniq maqsad va rasmiy veb-saytlar orqali ta’minlanadigan onlayn xizmatlarga asoslanadi

• Paydo bo‘lish: Internetda bir nechta mustaqil bo‘lgan rasmiy veb-saytlar tashkil etiladi. Axborotlarning cheklanganligi va asosan statik saytlardir.
• Kengaytirilgan: Davlat organlari veb-saytlarida ma’lumotlar xajmining oshishi, axborotlar ko‘proq dinamik holatda o‘zgaradi.
• Interaktiv: Foydalanuvchilar shakllarni yuklab olishi, interaktiv xizmatlardan foydalanishi mumkin.
• Tranzaksiyalashgan: Foydalanuvchilar xizmatlar uchun onlayn tarzda to‘lov va moliyaviy tranzaksiyalarni amalga oshirish imkoniyatiga ega bo‘ladi.
• Yagona: Davlat organlari axborot tizimlarining to‘liq integratsiyasi.