Farmasevtika faoliyatini muvofiqlashtiruvchi qonun xujjatlari. Farmasevtika soxasini takomillashtirishda qonun osti xujjatlari, ularning o‘rni va ahamiyati

O‘zbekiston Respublikasi Prezidentining farmonlari,

O‘zbekiston Respublikasi Prezidentining qarorlari

O‘zbekiston Respublikasi Prezidentining farmoyishlari

O‘zbekiston Respublikasi Vazirlar Mahkamasining qarorlari,

O‘zbekiston Respublikasi Vazirlar Mahkamasining farmoyishlari

vazirliklar, davlat qo‘mitalari va idoralarining me’yoriy-huquqiy hujjatlari,

mahalliy davlat hokimiyati organlarining qarorlari

O‘zbekiston Respublikasining Prezidenti Konstitutsiyaga va qonunlarga asoslanib hamda ularni ijro etish yuzasidan respublikaning butun hududida majburiy kuchga ega bo‘lgan farmonlar, qarorlar va farmoyishlar chiqaradi.

Vazirlar Mahkamasi amaldagi qonun hujjatlariga muvofiq O‘zbekiston Respublikasining butun hududidagi barcha organlar, korxonalar, tashkilotlar, tashkilotlar, mansabdor shaxslar va fuqarolar tomonidan bajarilishi majburiy bo‘lgan qarorlar va farmoyishlar chiqaradi.

Vazirlar Mahkamasining me’yoriy tusdagi yoki o‘ta muhim ahamiyatga ega bo‘lgan hujjatlari Vazirlar Mahkamasining qarorlari shaklida qabul qilinadi.

Vazirlar Mahkamasining tezkor va boshqa joriy masalalar bo‘yicha qarorlari Vazirlar Mahkamasining farmoyishlari shaklida qabul qilinadi.

Idoraviy me’yoriy-huquqiy hujjatlar

Vazirlik, davlat qo‘mitasi va idora tomonidan belgilangan tarzda qabul qilingan, umum majburiy davlat ko‘rsatmalari sifatida huquqiy normalarni belgilashga, o‘zgartirishga yoki bekor qilishga qaratilgan rasmiy hujjatlar idoraviy me’yoriy-huquqiy hujjatlar deb ataladi. Bu xujjatlar O‘zbekiston Respublikasining Konstitutsiyasi va qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari, qarorlari va farmoyishlari, O‘zbekiston Respublikasi Vazirlar Mahkamasining qarorlari va farmoyishlari asosida hamda ularni ijro etish uchun qabul qilinadi.

Idoraviy me’yoriy-huquqiy hujjatlar buyruq va qarorlar tarzida qabul qilinadi.
Buyruqlar vazirlar tomonidan yoki idora nomidan qarorlar qabul qilish yakka tartibda amalga oshiriladigan idoralar rahbarlari tomonidan qabul qilinadi.
Qarorlar davlat qo‘mitalari tomonidan yoki idora nomidan qarorlar qabul qilishni mazkur idoraning kollegial organi amalga oshiradigan idoralar tomonidan qabul qilinadi.
Ikki yoki undan ortiq vazirlik va idoralarning idoraviy me’yoriy-huquqiy hujjatlari qarorlar tarzida qabul qilinadi.
Buyruqlar va qarorlar bilan ushbu buyruq yoki qarorning tarkibiy qismi bo‘lgan nizomlar, qoidalar, yo‘riqnomalar va boshqa hujjatlar tasdiqlanishi mumkin.
Nizomlarning asosiy mazmuni umumiy belgilar asosida birlashtirilgan munosabatlar majmuini tartibga solishga qaratilgan o‘zaro tizimli bog‘langan qoidalarni belgilashni nazarda tutadi.
Qoidalarning asosiy mazmuni aniq munosabatlarni tartibga solishga qaratilgan alohida huquqiy normalarni belgilashni nazarda tutadi.
Yo‘riqnomalarning asosiy mazmuni qonun hujjatlari qoidalarini qo‘llash tartibini belgilashni nazarda tutadi.
Idoraviy me’yoriy-huquqiy hujjatlar muayyan muddatga (vaqtinchalik) yoki nomuayyan muddatga qabul qilinishi mumkin.
O‘zbekiston Respublikasi Sog‘liqni saqlash vazirligi qoshidagi Dori vositalari va tibbiy texnik sifatini nazorat qilish Bosh boshqarmasining tarkibidagi Ilmiy-uslubiy va axborot bo‘limida farmasevtika sohasidagi me’yoriy-xuquqiy xujjatlarning to‘plamlari nashr etiladi.