Farmasevtikada boshqaruv fanidan o‘quv-uslubiy majmua

3.1 rasm Menejerlar mehnatining bo‘g‘inlar va faoliyat soxalari bo‘yicha taqsimlanishi
Mutaxassis-menejerlar 3 asosiy guruxga bo‘linadi:

1. 
   Funksional-mutaxassislar - boshqaruv faoliyatini axborot bilan ta’minlash uchun ma’sul xodimlar (referentlar, iqtisodchilar, buxgalterlar, marketologlar, yuristlar, moliya xodimlari va x.k.);
   
2. 
   Texnolog-mutaxassislar - ishlab chiqarish texnologiyasi bo‘yicha loyihalar tayyorlash uchun ma’sul xodimlar (texnologlar, muxandislar, konstruktorlar, loyihachilar, arxitektorlar va x.k.);
   
3. 
   Xizmatchilar – boshqaruv jarayonining yordamchi ishlarini bajaruvchi texnik mutaxassislar (operatorlar, arxiv xodimlari va x.k.).
   

Ishlab chiqarish xodimlari ikkita guruxga bo‘linadi:

• 
  Asosiy faoliyat xodimlari - bevosita ishlab chiqarish jarayonida ishtirok etadigan ishchilar;
  
• 
  Yordamchi xodimlar - korxonaning xizmat ko‘rsatish va tayyorlov sexlarida ishlaydigan ishchilar.
  

Korxonani boshqarish tizimida mehnat resurslarini boshqarish juda murakkabdir. Chunki korxonaning muvaffaqiyatli faoliyati uning boshqarilishiga bog‘liq, boshqarish markazida esa inson – ishchilar, mutaxassislar va rahbarlar turadi. Korxonaning o‘z maqsadiga erishuvi faqat shular ishtirokida bo‘ladi.
Mehnat resurslarini boshqarishning asosiy maqsadi xodimlarning qobiliyatlari va imkoniyatlarini ishga solgan holda, ularni yanada jadal va unumli mehnat qilishga undashdir⁶.
Boshqarish faoliyatida kadrlar bilan ishlash (kadrlar siyosati) yo‘nalishlari
Xodimlarni, ya’ni inson omilini boshqarish quyidagi jixatlarni boshqarishni o‘z ichiga oladi:

• 
  xodimlarni rejalashtirish;
  
• 
  tanlov, ishga qabul qilish va ishdan bo‘shatish;
  
• 
  kadrlarning lavozim, professional, ma’muriy o‘sishini rejalashtirish
  
• 
  ma’qul ish sharoiti va ijtimoiy-ruxiy muhitni yaratish;
  
• 
  xodimlarni boshqarishdagi xarajatlar va ularning samaradorligini baholash,
  
• 
  xodimlarning motivatsiyasi;
  
• 
  ma’suliyat va vakolat;
  
• 
  ixtiloflar, nizolarni hal etish.