«Фуқаролар учун бюджет»

Ўзбекистон Республикаси
Молия вазирлиги

1
2022 ЙИЛ УЧУН МАКРОИҚТИСОДИЙ КЎРСАТКИЧЛАР ПРОГНОЗИ ВА 2023-2024 ЙИЛЛАР УЧУН МЎЛЖАЛЛАР

2021 йил якунига иқтисодий фаолликнинг босқичма-босқич тикланиши шароитида, ЯИМ ўсиши 7 фоиз (2020 йилда 1,7%) миқдорида прогноз қилинмоқда.

2022 йилда иқтисодий ўсиш прогнози 6,0 фоизни ташкил этади ва иқтисодиётнинг ўсиш суръатлари 2024 йилга келиб, 6,6%гача ўсиши кутилмоқда. 2022 йилда ЯИМ ўсишининг асосий омиллари бўлиб, иқтисодиёт тармоқлари ўсиш суръатларининг инқирозгача бўлган давр қийматларига қадар босқичма-босқич тикланиши, уй хўжаликлари якуний истеъмолининг ўсиши, асосий капиталга инвестициялар, шунингдек, ташқи савдо фаолиятини тикланиши асносида экспорт-импорт операциялари ҳажмининг ўсиши ҳисобланади.

2020-2024 ЙИЛЛАРДА ЯИМ ҲАЖМИ ВА ЎСИШ СУРЪАТЛАРИ

Макроиқтисодий вазиятнинг барқарорлашиши муносабати билан иқтисодиётнинг барча тармоқларида иқтисодий ўсишнинг тикланиши кутилмоқда. 2022 йилда ўсиш суръати саноатда - 7,0 фоиз, қурилишда - 8,1 фоиз, қишлоқ хўжалигида - 3,3 фоиз ва хизматлар соҳасида - 6,5 фоизгача прогноз қилинмоқда.

2020-2024 ЙИЛЛАРДА ИҚТИСОДИЁТ АСОСИЙ ТАРМОҚЛАРИНИНГ ЎСИШ СУРЪАТЛАРИ

Иқтисодиётнинг асосий тармоқларидаги ўсиш суръатларининг босқичма-босқич тикланиши ЯИМнинг тармоқ таркибидаги силжишларга сабаб бўлмоқда. 2022 йилда хизмат кўрсатиш ва саноатнинг улуши ошиши билан қишлоқ, ўрмон ва балиқчилик хўжалигининг улуши пасайиши кутилмоқда.