Gaz taqsimlash va gaz iste’moli tizimlari xavfsizligi qoidalarini tasdiqlash to‘G‘risida

• Gaz taqsimlash tarmog‘ining himoyalanadigan hududi — foydalanish uchun normal sharoitlarni ta’minlash va uning shikastlanishi imkoniyatini istisno etish maqsadida gaz quvurlari trassasi hamda gaz taqsimlash tarmog‘ining boshqa obyektlari atrofida o‘rnatiladigan, alohida foydalanish sharoitlari mavjud bo‘lgan hudud.
• Gaz taqsimlash tizimi — gazni bevosita iste’molchilarga yetkazib berish va uzatish uchun mo‘ljallangan tashkiliy va iqtisodiy jihatdan o‘zaro bog‘liq obyektlardan iborat ishlab chiqarish majmuasi.
• Gaz tartiblash punkti (GTP) va qurilmasi (GTQ) — gaz taqsimlash tarmoqlarida gaz bosimini pasaytirish va uni belgilangan darajada saqlab turish uchun mo‘ljallangan texnologik qurilma.
• Gazdan foydalanuvchi jihoz (qurilma) — texnologik jarayonda gazdan yoqilg‘i sifatida foydalanuvchi jihoz. Gazdan foydalanuvchi jihoz sifatida qozonlar, turbinalar, pechlar, gaz-porshenli dvigatellar, texnologik tizimlar va boshqa jihozlarni qo‘llash mumkin.
• Gazdan xavfli ishlar — gazlangan muhitda yoki gaz chiqish ehtimoli mavjud joylarda bajariladigan ishlar.
• Gazning xavfli konsentratsiyasi — gazning alangalanish eng pastki chegarasining 20 foizidan oshadigan, havo miqdoridagi konsentratsiyasi (gazning hajmli ulushi).
• Diagnostika — obyektlar (gaz quvurlari va inshootlari)ning texnik holatini aniqlash bo‘yicha nazariya, usullar va vositalarni qamrab olgan bilim sohasi.

Kirish gaz quvuri — taqsimlovchi gaz tarmog‘iga ulanish joyidagi kiruvchi gaz quvuridan o‘chiruvchi moslamagacha yoki binoning kirish joyidagi yer ostidan o‘tkazilgan g‘ilofgacha bo‘lgan gaz quvuri.

• Kirish gaz quvuri — taqsimlovchi gaz tarmog‘iga ulanish joyidagi kiruvchi gaz quvuridan o‘chiruvchi moslamagacha yoki binoning kirish joyidagi yer ostidan o‘tkazilgan g‘ilofgacha bo‘lgan gaz quvuri.
• Kiruvchi gaz quvuri — binoning kirish joyidagi o‘chirish moslamasining tashqarisida, shu jumladan, ichki gaz quvurigacha, bino devori orqali tashqaridan g‘ilofda o‘rnatiladigan gaz quvuri bo‘lagi.
• Qishloqlararo gaz quvuri — gaz tarmoqlarining aholi yashash joylaridan tashqarida o‘tkazilgan gaz quvuri.
• Maydoncha ichidagi gaz quvuri — korxonaning ishlab chiqarish hududi ichkarisidagi sanoat iste’molchisiga gaz ta’minoti manbaidan gaz uzatishni ta’minlaydigan taqsimlovchi gaz quvuri bo‘lagi (kirish qismi).
• Maydoncha tashqarisidan o‘tkazilgan gaz quvuri — korxonaning ishlab chiqarish hududidan tashqaridagi sanoat iste’molchisiga gaz ta’minoti manbaidan gaz uzatishni ta’minlaydigan taqsimlovchi gaz quvuri.
• Olov bilan bog‘liq ishlar — ochiq olovdan foydalangan holda bajariladigan ishlar.
• Putur yetkazmaydigan nazorat — materiallar xususiyatlarini buzmasdan yoki namuna olmasdan aniqlash usuli bilan texnologik qurilmalarning texnik holatini nazorat qilish.
• Saqlash berkitish klapani (SBK) — gaz uzatilishini to‘xtatishda ish holatini yopiq holatga keltirish tezligi 1 soniyadan oshmasligini ta’minlaydigan qurilma.
• Saqlash chiqarish klapani (SChK) — gaz jihozlarini tarmoqdagi gaz bosimi ruxsat berilmaydigan darajasigacha oshib ketishidan himoyalaydigan qurilma.