Xavfsizlik texnikasi ishlarini tashkil etish. Aholi turar-joy binolari va umumjamoa binolarida gazdan foydalanishda xavfsizlikni ta’minlash uchun “Gazdan xavfsiz foydalanish qoidalari”ga qattiq rioya qilinishi kerak. Qoidaga zid bo’lgan har qanday holatda va maxsus ko’rsatma bo’yicha, gaz xizmatini olib boruvchi rahbar javobgar hisoblanadi, chilangar - gazchi brigada xizmatining majburiyatiga quyidagilar kiradi:
Gaz chiqqan joyni aniqlash va uni sozlash.
Gazlashtirilgan va gaz xavfli binolarda ish bajarish.
Uskunalar va qurilmalarga saqlagichlar va himoyalanuvchini qo’llash.
Zararlanganlarga birinchi yordam ko’rsatish.
Gaz yoqilg’isiga bog’liq holatda bo’lgan baxtsizlik va nosozlik ishlarini tekshiruvda qatnashishi.
Xavfli gaz ishlarini bajarishda va gaz chiqayotgan joyni aniqlashda baxtsiz holatning oldini olish uchun texnika xavfsizligi ishlarini tashkil etuvchi tashkilot bo’lishi kerak. Gaz chiqayotgan joyni aniqlashdan oldin, gazning hidi bo’yicha binolarning gazlanganligi darajasi holatini gaz analizatori yordamida aniqlash, bekitish va gazning chiqish joyini sozlash kerak. Gaz quvurlaridan gaz oqimining chiqishi miqdori ko’p bo’lganda yoki gaz uskunalari, jihozlaridan ham gazning chiqishi ko’p miqdorda bo’lganda “nosozlikni tuzatish xizmati”ga (avariya xizmati) xabar berish kerak. Shahar gaz xizmatida sutkaning istalgan vaqtida nosozlikni tuzatish ishlarini bartaraf etish kerak.
Chilangar gazchi – quyidagi texnik jihozlar bilan ta’minlangan bo’lishi kerak. Protivogaz, qutqaruvchi saqlagich belbog’, ipi bilan birgalikda, sinov uchun uskunalar, himoya ko’z oynagi, yong’in xavfsizligi ta’minlangan yoritgich, texnika xavfsizligi bilan tanishtirish va zararlangan holda birinchi yordam ko’rsatish.
Gazning chiqishi salnikli yoki cho’zilgan kranlarning ichki nosozligidan ichki gaz chiqishi, ya’ni kran yopiq holatda gaz chiqishi bo’ladi. Kranlarning to’liq germetik yopilishda nosozlik bo’lgan holatlarda kranlarni almashtirish maqsadga muvofiqdir. Baxtsizlik va nosozlik holatlari bo’lishning oldini olish uchun gaz xizmati tomonidan profilaktik quruv va gaz jihozlarini ta’mirlash xizmati tashkil etilishi kerak.
Nosozlik va baxtsizlik holatlari istalgan gaz ishlarida quvurlarni payvandlashda, gaz uskunalari va jihozlaridan foydalanishda sodir bo’lishi mumkin. Gaz quvurlarining nosozligiga sabab quvurlar tayyorlanishda texnologik qoidalariga rioya qilinmaslik. Gaz quvurlarini qurilishidagi ishlarida qoidaga rioya qilinmaslikdan (sifatsiz payvandlash, himoyalanishdagi shikastlanishlar) va h.k.
Gaz quvurlaridan foydalanish qoidalariga rioya qilinmaslik (gaz bosimining ruxsat etilganidan ortiqcha bo’lishi, daydi toklar ta’sirida gaz quvuri devorining zaiflashib borishi, gaz quvurlarining zanglashdan yaxshi himoyalanmaganligi va h.k.lar kiradi.
Bundan tashqari nosozlik holatlariga, turli xil kommunal inshootlarida ta’mirlash, yer kovlash va qazish ishlarining bajarilishidagi shikastlanishlar ham sabab bo’lishi mumkin.
Quvurlarning ajralishidan atrof muhitga gazning qisman yoki to’liq chiqishi sodir bo’lganda, gaz quvurlari nosoz hisoblanadi. Gaz quvurlari va uskunalaridan foydalanishda turli xil ishlarni bajarishdagi nosozlikni oldindan aytish chilangar-gazchi tomonidan amalga oshirilishi kerak.
Gaz jihozlarining ishonchli va xavfsiz ishlash ko’p jihatdan chilangar-gazchilar tomonidan reja asosida profilaktik ko’riklardan o’tishi va gaz jihozlarining ta’mirlanganligiga bog’liq. Ko’riklar oralig’idagi gaz jihozlar ta’mirlash ishlari xizmat ko’rsatuvchi chilangar tomonidan amalga oshiriladi.
Do'stlaringiz bilan baham: |