Geologiya fanning maqsadi va vazifalari Reja: Fanning maqsadi va vazifalari

Geologiya fanning maqsadi va vazifalari
Reja:
1.Fanning maqsadi va vazifalari,
2.Rivojlanish tarixi.
3.Yerning paydo bo‘lishi yoshi tuzulishi
4.Litologik tarkibi.
5.Kimyoviy tarkibi

Kirish.
Geologiya - yer haqidagi fan bo‘lib, yunoncha geo- yer, logos - fan demakdir. Geologiya tabiiy fanlar qatoriga kiradi va u yer planetasining rivojlanish qonunlarini o‘rganadi. Yer nima degan savolga olimlar turlicha javob beradilar. Astronomlar yerni shar shaklidagi fizik jism deb, quyosh sistemasida juda katta tezlikda (bir sekundda 30 km) aydanuvchi planeta sifatida tekshiradilar.
Geologiya fanining maqsadi va vazifalari.
Geologiya fanining vazifalari quyidagilardan iborat:
-Fanning maqsadi, vazifalari, rivojlanish tarixi xamda tadqiqot usullari xaqida talabalarga bilimlar berish.
-Endogen jarayonlar va ularning sodir bo‘lish qonuniyatlarini yoritib berish: magmatizm, tektonik jarayonlar, seysmik jarayonlar. Metamorfizm;
-Ekzogen jarayonlar va ularning geologik faoliyati xaqida talabalarda bilim va ko‘nikmalarni shakllantirish.
-Geoxronologik jadval, yerni turli geologik davrlarda rivojlanish tarixining asosiy xususiyatlarini tushuntirib berish
Geologiya yo‘nalishidagi barcha fundamental fanlar; stratigrafiya va paleontologiya, geotektonika, Osiyo geologiyasi, litologiya, petrografiya, mineralogiya va geokimyo, geofizika, gidrogeologiya va muxandislik geologiyasi uchun asos bo‘lib xizmat qiladi.
«Umumiy geologiya» fanining ahamiyati talabalarni tog‘ jinsi hosil qiluvchi minerallarni, magmatik, cho‘kindi va metamorfik tog‘ jinslarini, geoxronologik jadvalni, gorizontal, monoklinal va burmalanib yotgan tog‘ jinsi qatlamlarini, kompas bilan ishlash, stratigrafik ustunlar va geologik kesmalar tuzish asoslari bilan tanishtirish; geologik xaritalarni o‘qishga o‘rgatishdan iborat. ¹

«Umumiy geologiya» kursi ma’ruzalarining asosiy maqsadi talabalarni hozirgi zamon geologiya fani va geologik ob’ektlar, minerallar, tog‘ jinslari, geologik regionlar, Yer va Yer geosferalarini, ularning geologik tarixda vujudga kelishini tushunishga o‘rgatishdir. Shu bilan birga uning xalq xo‘jaligidagi va mineral xom ashyo bazasini yaratishdagi atrof muhitni himoya qilishdagi roli ta’kidlab o‘tiladi.Erning tuzilishi hamda taraqqiyot tarixini o‘rganishga asos yaratishdir. Mazkur kursning maqsadi talabalarga geologiya fanini rivojlanishi, endogen va ekzogen jarayonlar xamda tarixiy geologiya asoslari xaqida bilimlar berishdir.