Глицирризин кислотаси моноаммоний тузи билан баъзи дори моддаларнинг супрамолекуляр комплексларини олиш. Юсупов Мухаммадюсуп Авазбек ўғли

ГЛИЦИРРИЗИН КИСЛОТАСИ МОНОАММОНИЙ ТУЗИ БИЛАН БАЪЗИ ДОРИ МОДДАЛАРНИНГ СУПРАМОЛЕКУЛЯР КОМПЛЕКСЛАРИНИ ОЛИШ.
Юсупов Мухаммадюсуп Авазбек ўғли
Ўзбекистон Миллий Университети кимё факултети магистранти
E-mail: [e-mail]
Худойназаров Илёс Абдурасулович
Ўзбекистон Миллий Университети, “Органик синтез ва амалий кимё” доценти
Эсонов Рахматилло Султон ўғли
ЎзР ФА акад. О.С Содиқов номидаги Биоорганик кимё институти,PhD
Ғофуров Махмуджон Бакиевич
ЎзР ФА акад. О.С Содиқов номидаги Биоорганик кимё институти, профессор
Хаитбаев Алишер Хамидович
Ўзбекистон Миллий Университети, “Молекуляр ва хужайра биотехнологияси” лабораторияси мудири, профессор
Ҳозирда республикамизнинг шўрхок ҳудудларида ёввойи ҳолда ўсувчи ва қисман маданийлаштирилган ширинмия ўсимлигини илдизи таркибидаги асосий биологик фаол модда глицирризин кислота (ГК) ва унинг моноаммонийли тузи билан баъзи турдаги сувда эримайдиган ёки кам эрийдиган препаратлар билан уларни сувда эрувчан шаклга ўтказиш, даволаш самарасини сақлаган ҳолда дозасини камайтириш ҳамда терапевтик таъсирини узайтириш, заҳарлилиги ва салбий хусусиятларини йўқотиш учун уларнинг супрамолекуляр комплекслари олиш мақсад қилиб олинган.
Биз эса бу борада Ўзбекистон фанлар академиясиниг Биорганик кимё илмий текшириш институтининг лабораторияси билан ҳамкорликда глицирризин кислотасининг моноаммонийли тузи(ГКМАТ) билан сувда эримайдиган бактерияга қарши моддалар билан супрамолекуляр бирикмалар олишни мақсад қилиб қўйдик. Олиб борилган тадқиқодларда дастлаб ширинмия илдизи қуюқ экстрактидан техник глицирризин кислотаси ажратиб олинди ва бир нечта босқич орқали ГКМАТ олинди. Ундан сўнг эса баъзи турдаги бактерияга қарши сифатида қўлланиладиган Сульфаметоксазол субстанцияси танлаб олинди.
Cульфаметаксазол-антибиотик бўлиб, у сийдик йўллари инфекциялари, бронхит ва простатит каби бактериал инфекцияларни даволаш учун ишлатилади ва бу дори воситаси Listeria monocytogenes ва E. coli каби бактерияларга қарши самарали бўлади.
ГКМАТ ва сульфаметаксазолнинг 2:1 хамда 4:1 нисбатларда супрамолекуляр комплекс бирикмалари олинди ва суюқланиш харорати аниқланди.
1-жадвал:

Нисбатлари	Суюқланиш харорати ^ОС.	ИҚ-спектр ν, см^-1		Чиқиш унуми %
		-ОН, -NH-	>C=O
2:1	193,5	3382	1720	95
4:1	237,1	3382	1714	96

Олинган намуналарни функционал гуруҳлари ИҚ-спектр таҳлиллари Perkin-Elmer фирмасининг System-2000 Fure ИҚ-спектрометри ёрдамида таҳлил қилинди.



1-расм. ГКМАТ ва Сульфаметоксазолнинг супрамолекуляр комплекси
Хулоса сифатида шуни айтиш мумкинки, сувда эримайдиган баъзи турдаги дори воситалари билан ГКМАТ иштирокида супрамолекуляр комплекс бирикмалар олинганда сувда эрувчан шаклига айланишини кузатиш мумкин.