Глоссарий Бенчмаркинг (ингл. Benchmarking)

Стратегия - бу истиқболни тадқиқ қилиш, турли сценарияларни таҳлил этиш санъати ҳамда истиқболда рақобат курашида афзаллик берувчи ғоядир.
Стратегик менежмент - ўз ичига ҳам ишланмани ҳам стратегияни амалга оширишни қамрайдиган ташкилотлар барча вазифаларини қамрайди.
Стратегик режалаштириш стратегик бошқаришнинг асосий функцияларидан бири ҳисобланади. Ёки бўлмаса, янада аниқроқ қилиб айтганда, “Стратегик режалаштириш-бу режалаштиришлар бўйича бошқариш бўлса, стратегик менежмент-бу натижалар бўйича бошқаришдир”.
Тадбиркорлик университетининг мазмун-моҳияти: янгиликлар (инновациялар)га интилиш; таваккалчиликни билиш; ўз кучига ишониш; ўз мустақиллигини ҳис этиш.
Таълим – бу иқтисодиёт, маданият ва ижтимоий турмуш соҳасида юқори унумдорликни таъминлашга имкон берувчи капитал қўйилма бўлиб, инсон ҳаёт сифатининг энг муҳим таркибий қисмларидан бири ҳисобланади
Таълимда замонавий сифат менежменти - бу раҳбарлик ва қўллаб-қувватлашнинг самарали таркиби бўлиб, қўйилган вазифаларнинг бажарилишини таъминлайди. ОТМда сифат менежменти ғоялари ва усулларидан фойдаланиш барча бўғинларда: ОТМ даражасида, унинг бўлимларида, факультет ва кафедраларида, талабалар билими, малакаси ва кўникмалари шаклланадиган ва истеъмолчилар учун “қадриятлар, қийматлар” яратиладиган аудиторияларида амалга оширилиши зарур.
Таълимда маркетинг – бу бюджетдан ташқари маблағларни жалб қилиш бўйича фаолиятнинг энг муҳим йўналишларидан бири.
Таълим сифати “Quality of Education” - бу таълимнинг (натижа сифатидаги, жараён сифатидаги, таълим тизими сифатидаги) белгиланган эҳтиёжлар, қадриятлар ва нормалар (стандартлар)га мувофиқ келишидир.
Технология - 1) ишлаб чиқариш жараёнида хом ашё, материал ёки ярим фабрикатлар ҳолати, хоссаси шаклини ўзгартириш, уларга ишлов бериш, тайёрлаш усулларининг мажмуи; 2) хом ашёлар, материаллар ёки яримфабрикатларга тегишли ишлаб чиқариш қуроллари ёрдамида таъсир этиш усуллари ҳақидаги фан.
Технологияларни тижоратлаштириш - бу истеъмолчи (харидор) билимлардан фойдаланиш ҳуқуқини олган ва ўз эгасига (технологияларни ишлаб чиқувчисига) у ёки бу шаклда лицензия (ёки бошқа) битим шартларида белгиланган миқдорда ҳақ тўлайдиган технологик узатиш шакли.