Glossariy karton – maxsus ishlangan qalin va qattiq qog‘oz. Mulina

GLOSSARIY

Karton – maxsus ishlangan qalin va qattiq qog‘oz.

Mulina – kashta tikish uchun ishlatiladigan rangli ip.

Penoplast – plastmassaning yengil ko‘piksimon turi. Asosan, oq rangda bo‘ladi.

Materiallar – biror maqsad uchun kerakli xomashyo, modda. Yasashda ishlatiladigan asosiy materiallar: qog‘oz, gazlama, yog‘och, plastmassa, metall

va h.k.

O‘lchamoq – o‘lchov asbobi vositasida narsaning uzunligi, o‘lchamini belgilamoq. Buyumlarni o‘lchashda, asosan, uning balandligi, eni va uzunligi

e’tiborga olinadi va uzunlik birliklari (santimetr, millimetr)dan foydalaniladi.

Birlashtirmoq – buyum qismlarini bir-biriga yopishtirish.

Shakl – buyumning ustki ko‘rinishi. Buyumlar hajmli va tekis ko‘rinishda bo‘ladi. Ularning ko‘rinishi to‘g‘ri to‘rtburchak, sharsimon, to‘g‘ri va egri shaklda bo‘lishi mumkin.

Origami – qog‘ozni buklash yo‘li bilan shakl yasash usuli.

Kegay (spitsa) – to‘qish uchun ishlatiladigan asbob.

Papye-mashe – qog‘ozni parchalab yopishtirish yo‘li bilan narsa-buyumlar yasash usuli.

Kvilling – uzunchoq va ensiz qog‘ozni eshish usulida bejirim va nafis buyumlar yasash usuli.