Государственный стандарт узбекистана

3.11 энергетик мақсад: Энергетик натижавийликни яхшилашга нисбатан ташкилотнинг энергетик сиёсатини амалга ошириш учун белгиланган маълум натижа ёки ютуқ.
3.12 энергетик натижавийлик: Энергетик самарадорлик (3.8), энергиядан фойдаланиш (3.18) ва энергияни истеъмол қилишга (3.7) тегишли бўлган ўлчанадиган натижалар.
Изоҳлар
1 Энергетик менежмент тизимига мос ҳолда натижалар ташкилотнинг энергетик сиёсати, энергетик мақсадлари ва вазифалари ва энергетик натижавийликка тегишли бўлган бошқа талабларга нисбатан ўлчаниши мумкин.
2 Энергетик натижавийлик энергетик менежмент тизимининг самарали ишлашининг таркибий элементларидан бири ҳисобланади.
3.13 энергетик натижавийликнинг кўрсаткичи: Ташкилот томонидан қандай белгиланганига биноан энергетик натижавийликнинг миқдорий қиймати ёки ўлчови.
Изоҳ – Энергетик натижавийликнинг кўрсаткичлари оддий метрик бирлик, пропорция ёки мураккаброқ модель каби ифодаланиши мумкин.
3.14 энергетик сиёсат: Энергетик натижавийликка нисбатан фаолиятнинг асосий мақсадлари ва йўналишлари тўғрисида ташкилот юқори раҳбариятининг расмий баёноти.
Изоҳ – Энергетик сиёсат фаолият юритиш доирасини белгилайди ва энергетик мақсадлар ва вазифаларни қўйиш учун асос бўлиб хизмат қилади.
3.15 энергетик таҳлил: Маълумотлар ва бошқа ахборотларга асосланган, фаолиятни яхшилаш учун имкониятларни идентификациялашга имкон берадиган, ташкилотнинг энергетик натижавийлигини аниқлаш.
Изоҳ – Бошқа минтақавий ёки миллий стандартларда энергетик тиҳлил тушунчасига энергетик аспектларни идентификация қилиш ва таҳлил қилиш ёки энергетик профиль каби тушунчалар киритилган.
3.16 энергетик хизматлар: Энергия келишини таъминлаш ва/ёки ундан фойдаланишга тегишли фаолият турлари ва уларнинг натижалари.
3.17 энергетик вазифа: Энергетик мақсадга эришиш учун белгиланиши ва бажарилиши керак бўлган, қўйилган ушбу энергетик мақсаддан келиб чиқадиган, ташкилотлар ёки уларнинг қисмларига қўлланиладиган, миқдор жиҳатдан ифодаланиши мумкин бўлган, энергетик натижавийликка доир батафсил текширилган талаблар.