Guliston davlat universiteti pedagogika fakulteti

Kurs ishining maqsad va vazifalari. Ota-ona qaramog`ida bo’lmagan muruvvat uyidagi bolalar bilan ijtimoiy pedagogik ish yuritishda pedagog-psixologlar faoliyatini yanada takomillashtirish va amaliyotga joriy etishning ilmiy asoslarini nazariy va amaliy jihatdan tadqiq etish kurs ishining maqsadi bo`lib hisoblanadi. Shu ma`noda, mazkur maqsadni amalga oshirish yo`lida quyidagi hollar kurs ishining asosiy vazifalari qilib belgilab olindi:
- Ota-ona qaramog’ida bo’lmagan muruvvat uyidagi bolalar muammolariga taalluqli tadqiqotlarni o`rganish va ularni tahlil qilish;
- Ota-ona qaramog’ida bo’lmagan muruvvat uyidagi bolalarni ijtimoiy himoyalashga taalluqli xalqaro va milliy qonunchilik normalarini o`rganish;
- Ota-ona qaramog’ida bo’lmagan bolalarga vasiy va homiy tayinlash hamda ularni farzandlikka, oilaga tarbiyaga berish tartibini o`rganish;
- Ota-ona qaramog’ida bo’lmagan bolalar bilan pedagogik yordam shakllarini takomillashtirishga oid taklif va tavsiyalar ishlab chiqish.
Kurs ishining ob`yekti. Qo’qon shahar 18-umumiy o’rta ta’lim maktabining ota-ona qaramog’ida bo’lmagan bolalari
Kurs ishining predmeti. Ota-ona qaramog’ida bo’lmagan bolalarni ijtimoiy himoya qilish, ular bilan ijtimoiy pedagogik ish olib borish jarayoni kurs ishining predmeti bo`lib hisoblanadi.
Kurs ishida qo`llanilgan uslublarning qisqacha tavsifi. Tadqiqot ishida ilmiy bilishning turli bosqichlarida qo`llaniladigan hujjatlarni o`rganish va umumlashtirish, tarixiy-qiyosiy tahlil kabi uslublarga tayanildi.
Kurs ishining nazariy va amaliy ahamiyati. Kurs ishida ota-ona qaramog’ida bo’lmagan bolalarni ijtimoiy himoyalashga yo`naltirilgan pedagogik, psixologik, ilmiy-metodik qarashlar tahlil etilgan bo`lib, unda ilgari surilgan fikrlar, g`oyalar, omil va vositalar ota-ona qaramog’ida bo’lmagan bolalar bilan ish olib boruvchi mutasaddi davlat va nodavlat tashkilotlari faoliyatida, o`quv, ilmiy-tadqiqot jarayonida foydalanish mumkin.
Kurs ishining tuzilishi. Kurs ishi kirish, ikkita bob, to’rtta paragraf, xulosa, foydalanilgan adabiyotlar ro`yxati hamda ilovalardan iborat.