Muammoning
dolzarbligi. Yоshlarga ta’lim-tarbiya berish har doim ham eng
dolzarb muammo sanalib kelingan. Jamiyatning taraqqiyoti insonlarning ongiga,
aql-zakovati, axloq-odobiga ko‘p jihatdan bog‘liq bo‘ladi. YAxshi tarbiya ko‘rgan
kishi eng avvalo el-yurtning, xalqning manfaatini o‘ylaydi. CHunki har bir
shaxsning baxt-saodati alohida, o‘z holicha amalga oshmaydi. Atrofdagilar baxtli
va farovon turmush kechirganlarida huzur-halovat hammaga tatiydi. Bu qoida
qadim zamonlardan mavjud bo‘lib, unga turli davrlarda turlicha amal qilib
kelingan.
Insoniyat boshidan kechirgan turli jamiyatlarda mafkura, g‘oya, siyosiy va
ijtimoiy qonun-qoidalar bir-biridan farq qilgan. Ta’lim va tarbiya ishlari ijtimoiy
buyurtma sifatida mavjud jamiyatning ehtiyojini qondirish uchun xizmat qilgan.
SHu asnoda xilma-xil ta’lim-tarbiya tizimlari tarkib topgan. YAngicha qarashlar,
ta’minotlar, nazariya va amaliy tajriba namunalari paydo bo‘lgan.
Hali insoniyat yozish-o‘qishni bilmagan paytlarda yoshlarga ta’lim-tarbiya
berish haqidagi qarashlar xalq og‘zaki ijodi namunalarida aks etgan. Uzoq davrlar
tajribada sinalib, sayqallanib borgan. Kuchli tarbiyaviy ta’sir ko‘rsatish darajasiga
etgan. YOzish-o‘qish paydo bo‘lgandan keyin ham xalq og‘zaki ijodi o‘z mavqeini
yo‘qotmagan, aksincha, yozma adabiyotlar mazmuniga singgan holda
ta’sirchanligi yanada ortib borgan [......].
YOshlardagi ta’lim-tarbiyaning asosi oilada, maktabgacha ta’lim
muassasalarida hosil qilinsada, uning tizimi amalga oshirilishi maktablarda tashkil
etiladi. O‘quvchi o‘rta umumiy ta’lim maktablarida o‘zini o‘rab turgan atrof-muhit
haqida, tabiat hodisalari, yil fasllarida bo‘ladigan o‘zgarishlar to‘g‘risida, ayniqsa
jamiyat va uni rivojlantiruvchi kuchi sanalgan insonlar, ularning mehnat faoliyati,
ijodi, ong, tafakkur mahsuli haqida bilib oladilar. SHuning uchun ham
maktablarda o‘quvchilarga berishga mo‘ljallangan ta’lim mazmuni chuqur ilmiy
asoslangan holda tanlanadi. Maktab-ma’orif muassasalari tarkib topib, ularda
4
yoshlarga o‘qitiladigan ta’lim mazmuni olimlar va mutaxassislar tomonidan ishlab
chiqilganda xalq og‘zaki ijodi namunalari alohida e’tiborga olingan.
Ayniqsa,O‘zbekiston mustaqillikka erishgandan keyin yoshlarga milliy
tarbiya berishga ehtiyoj juda ortdi. CHunki xalq og‘zaki ijodi millat paydo bo‘lish
jarayonida minglab yillar davomida tajribada sinab kelingan, millatning ruhi
chuqur singgan qarashlarni o‘zida mujassamlashtirganlik xususiyatiga ega.
YOshlarning ta’lim-tarbiya olishlariga mas’ul bo‘lgan barcha o‘rinlarda xalq
pedagogikasi xazinasidan foydalanish hayotiy ehtiyoj darajasiga ko‘tarildi.
O‘quvchilarga ta’lim va tarbiya uzviy bog‘langan holda berilishi, bilim
egallash jarayonida tarbiyalanib borishi, tarbiyaviy ta’sir etilayotganda
bilimlarning boyishiga alohida e’tibor qaratish maqsadga muvofiq bo‘ladi.
Prezidentmiz I.Karimov yoshlarning tarbiyasini quyidagicha ifodalaydi: "Biz
xalqimizning dunyoda hech kimdan kam bo‘lmasligi, farzandlarimizning bizdan
ko‘ra kuchli, bilimli, dono va albatta baxtli bo‘lib yashashi uchun bor kuch va
imkoniyatlarimizni safarbar etayotgan ekanmiz, bu borada ma’naviy tarbiya
masalasi, hech shubhasiz, beqiyos ahamiyat kasb etadi".
1
YOshlarning ma’naviy-
axloqiy tarbiyasi quyi sinflarda xalq og‘zaki ijodi namunalaridan samarali
foydalanilganda bu darajaga erishish engil amalga oshadi.
O‘rta umumiy ta’limning birinchi bosqichi bo‘lgan boshlang‘ich sinflarda
o‘quvchilarning bilim egallashga bo‘lgan qiziqishlari, havasi asosida aqliy
qobiliyatlari shakllantiriladi. Aqliy kamolotga uyg‘un tarzda o‘quvchilarning
ma’naviy dunyosi boyitiladi. Axloqiy fazilatlar takomillashtiriladi.
O‘quvchilarda mehnatsevarlik, yuksak did, fahm-farosat, nafis his-tuyg‘ular
rivojlanib boradi. Boshlang‘ich sinflardayoq iqtisodiy va ekologik tushuncha,
ko‘nikma va malakalar tarkib topib boshlaydi.
Ta’lim-tarbiya muassasalarida o‘quvchi-yoshlarning har tomonlama kamol
topishiga e’tibor qaratiladi. Jamiyat tomonidan ta’lim muassasalari oldiga mazkur
jamiyatning ehtiyojini to‘la qondirishga qodir bo‘lgan kadrlarni tayyorlab berish
talabi qo‘yiladi.
1
Каримов И. Юксак маънавият – енгилмас куч. Т. “Маънавият”, 2008. 4 б.
5
Bu talabning bajarilishi jamiyatning rivojlanishi, taraqqiyotini aks ettiradi.
Milliy mustaqillikka erishib, o‘zining yangi taraqiyoti boshidan kechirayotgan
Respublikamizda huquqiy-demoratik jamiyat qurish jarayoni muvaffaqiyatli
amalga oshirilmoqda. Bu jarayonning yanada jadallashuvi yoshlarni aqliy va
axloqiy ulg‘ayishlari, jismoniy va ruhiy barkamol bo‘lishlariga ko‘p jihatdan
bog‘liq hisoblanadi. O‘quvchi-yoshlarning maktab ta’limini chuqur egallashlari,
jamiyatda sodir bo‘layotgan ijtimoiy o‘zgarishlarning to‘g‘ri anglashlariga va
imkon darajasida o‘z hissalarini qo‘shish uchun zarur bo‘lgan bilim, ko‘nikma va
malakalarning tarkib topishini ta’minlaydi. Faqat o‘quvchilarga beriladigan
bilimlarning mazmuni to‘g‘ri tanlanishi, o‘quv reja, dastur va darsliklarda
mukammal eks ettirilishi zarur bo‘ladi. O‘quvchilarga xalqimizning boy ilmiy va
ma’naviy-ma’rifiy merosini etkazib berish hozirgi paytda ta’lim tizimining asosiy
vazifalaridan biri bo‘lib qoldi. “Kadrlar tayyorlash milliy dasturi”da: “YOsh
avlodni ma’naviy-tarbiyalashda xalqning boy milliy madaniy-tarixiy an’analariga,
urf-odatlari hamda umumbashariy qadriyatlarga asoslangan samarali tashkiliy,
pedagogik shakl va vositalari ishlab chiqilib, amaliyotga joriy etiladi”, degan
firlar bildirilgan [2]. CHunki, yoshlarning voyaga etishi, kamol topishlari
maktabdagi ta’lim va tarbiya jarayonining qay darajada ilmiy asosda yo‘lga
qo‘yilganiga, qanday bilimlarning kimlar tomonidan berilayotganiga, qaysi usul va
vositalardan foydalanayotganligiga har tomonlama bog‘liqdir. SHuning uchun ham
maktab ta’limi tizimining bara bosqichlari bir maqsadga – o‘quvchilarni etuk
bilimdon va axloqli qilib o‘stirishga yo‘naltirishi zarur. Ayniqsa, boshlang‘ich
sinflarda o‘quvchilarga beriladigan bilimlar keyingi bosqichlarda ilm egallash
uchun asos hisoblandi. Mana shu asos qancha mustahkam bo‘lsa, o‘quvchilarning
aqliy salohiyati shuncha yuksak darajaga ko‘tarila oladi.
O‘quvchilarning har tomonlama tarbiyasi bilim asoslarini o‘zlashtirish,
ongining o‘sishi, tabiatdagi va jamiyatdagi o‘zgarishlarni to‘g‘ri tushunish, hozirgi
zamon ishlab chiqarish jarayonlarini harakatga keltiruvchi texnika va
texnologiyalardan samarali foydalana olishini taqozo etadi. Ta’lim-tarbiya bola
6
dunyoga kelgandan boshlab berib boriladi. Oilada va maktabgacha tarbiya
muassasalarida dastlabki dunyoqarash asoslari tarkib topib boshlaydi.
Reja asosida, o‘quv dasturlari, darslik va o‘quv qo‘llanmalardan foydalangan
holda, boshlang‘ich sinflarda ilmiy asosdagi, tizimlashgan bilimlarni olishga
kirishadi.
Boshlang‘ich ta’lim bola aqliy tarbiyasini kuchaytiradigan, tarbiyaning
boshqa yo‘nalishlari bilan uzviy bog‘liqlikda olib boriladigan, bilim va
dunyoqarashning ko‘lamini kengaytiradigan, eng asosiysi, yuqori sinflarda
muvaffaqiyatli ta’lim olishini ta’minlaydigan bosqichdir.
SHu tufayli boshlang‘ich sinflarda o‘qitiladigan barcha fanlar, ularning
bo‘limlari, har bir mavzu va tushunchalar alohida e’tibor bilan tanlanadi.
O‘quvchining bilim saviyasi va darajasiga mos holda aqlining o‘sib borishini
ta’minlaydigan, kundalik turmush amaliyotida foydalanadigan, hayotda sodir
bo‘lgan voqea va hodisalarning mohiyatini anglatuvchi materiallar o‘tiladi. Buning
uchun har bir fanning mazxmuniga kirgan mavzular mutaxssis va olimlar
tomonidan alohida tanlanadi. Mana shu jarayonda yuqorida aytganimizdek, xalq
og‘zaki ijodi namunalari ham o‘ziga xos ahamiyat kasb etadi.
Xalq og‘zaki ijodi namunalarining yoshlarga ta’lim va tarbiya berishga
qaratilganlarini fanda xalq pedagogikasi deb yuritiladi. Xalq ommasining turmush
kechirish jarayonida to‘plangan ta’lim-tarbiya borasidagi tajribalar va bilimlar
yig‘indisi xalq pedagogkasining mazmunini ifodalaydi.
Xalq pedagogikasi – mehnatkash xalq va donishmandlarning yoshlarni
kutilgan maqsadga muvofiq barkamol kishilar qilib etishtirishda tarbiyaning
maqsad va vazifalariga bo‘lgan qarashlari hamda xalq ommasi tomonidan ta’lim-
tarbiya ishlarini amalga oshirish borasida qo‘llanib kelingan usul, vosita, ko‘nikma
va malakalar birligi, tajribalar asosida to‘plangan bilim va ma’lumotlar
yig‘indisidir. Ulardan ta’lim jarayonida foydalanish o‘quvchilarni milliy o‘zligini
anglashga, mustaqil O‘zbekistonning munosib farzandlari bo‘lishiga katta hissa
qo‘shadi. SHu tufayli ham boshlang‘ich sinflarda o‘qitiladigan fanlarning
mazmuniga xalq og‘zaki ijodi namunalaridan kiritilib kelinadi.
7
Xalq dostonlari, maqollar, matallar, topishmoqlar, hikmatli so‘zlar, afsona va
rivoyatlar yoshlarning dunyoqarashini shakllantiradi, oliyjanob insoniy fazilatlarni
tarkib toptiradi. Bola ular orqali o‘z xalqining o‘timishini, mehnat faoliyatini, orzu-
havas va intilishlarini bilib oladi.
Xalq og‘zaki ijodi namunalari o‘quvchilarni bilim olishga qiziqtiradi, ongli va
faol o‘zlashtirishga imkoniyat yaratadi.
Xalq og‘zaki ijodi namunalari asrlar davomida tajribada sinalgan, hayotda
takror-takror qo‘llangan, shubhasiz yaxshi natijalar bergan tushunchalarni aks
ettiradi.
Bu tushunchalar xalq aql-zakovati va ijodiy mulohazalari bilan
sayqallangan, yuksak badiiy qiymat kasb etadigan darajaga etkaziladi.
O‘zbek xalq og‘zaki ijodi qisqa, aniq ma’no anglatadigan maqollardan, keng
qamrovli, bir-biriga ulanib ketadigan dostonlargacha bo‘lgan har xil turdagi
namunalarni o‘z ichiga oladi. Bularning hammasida inson kamoloti, aql-idroki,
kuch-qudrati, axloq-odobi, mehnat faoliyati va mahorati talqin qilinadi.
Bola kamolotining turli davrlariga mos keladigan, ta’limning har bir
bosqichida o‘rganilishi mumkin bo‘lgan xalq og‘zaki ijodi namunalari mavjud
bo‘lib, ularni to‘g‘ri tanlash, xilma-xil metod va usullardan, vosita va shakllardan
foydalangan holda o‘rgatish o‘qitishning samaradorligini oshiradi.
Boshlang‘ich sinf o‘quvchilariga milliy tarbiya berish kuchaytirilgan hozirgi
paytda, ta’lim va tarbiyaning mazmuniga o‘zgartirishlar kiritilayotgan sharoitda
bolalarni ma’naviy-axloqiy tarbiyalashda xalq og‘zaki ijodi namunalari ijobiy
natija berishi shubhasizdir. SHuning uchun ham bu muammoni o‘rganishni dolzarb
deb hisobladik.
Mustaqil O‘zbekistonning rivojlanish yo‘li negizlari bo‘lgan umuminsoniy
qadriyatlarga sodiqlik, xalqimizning ma’naviy merosini mustahkamlash va
rivojlantirish, vatanparvarlik hamda milliy tarbiyani amalga oshirishda xalq
og‘zaki ijodi namunalari eng ta’sirchan vosita bo‘lib xizmat qiladi.
Respublikamiz olimlari tomonidan xalq og‘zaki ijodi namunalari va ularni
yoshlarga o‘qitish muammosi muntazam o‘rganib kelingan.
8
H.Zarifov, I.Afzalov, M.Alaviya, M.Murodov, G‘.Jahongirov, T.Mirzaev,
M.Obidova, Z.Husainovalarning tadqiqotlarida xalq og‘zaki ijodi namunalarining
turli janrlari, paydo bo‘lishi va taraqqiyot masalalari nazariy jihatdan asoslangan
[..........].
Xalq og‘zaki ijodi namunalarining ta’lim-tarbiyaviy ahamiyatini ayrim
sinflarda o‘qitilishi muammolarini Z.Mirtursunov, M.SHerboev, O.Mo‘minov,
U.Xolmatov, O.Safarov, M.Isaeva va boshqalar tadqiq etishganlar [..........].
Olimlar O.Musurmonova, Z.Boybekovalar “O‘zbek xalq pedagogikasi”ning
paydo bo‘lishi, turlari, ta’lim-tarbiyaviy ahamiyatini ancha mukammal o‘rganib
chiqqanlar [.........].
Professor Z.Mirtursunovning tadqiqotlarida o‘zbek xalq pedagogikasining
tarkibiy qismi bo‘lgan xalq og‘zaki ijodi namunalarida o‘quvchilarni axloqiy,
mehnat, estetik, jismoniy tarbiyalashdagi o‘rni chuqur tahlil etilgan [.......].
Olima Z.Husainova o‘zbek xalq topishmoqlarining o‘quvchilar aqliy
tarbiyasiga ta’sirini tadqiq etgan [........].
Topishmoqlar o‘quvchilarning mustaqil fikrlashi, taqqoslashi, xulosalar
chiqarishi, tez va mantiqiy tafakkurini rivojlantiruvchi vosita ekanligi ko‘rsatib
berilgan. YAna bir qancha olim va mutaxassislar xalq og‘zaki ijodi
namunalarining ta’lim-tarbiyaviy ahamiyatini o‘rganishga qo‘l urganlar.
YUqoridagi ilmiy izlanishlarga suyangan holda bitiruv malakaviy ishimizning
mavzusini “Kichik yoshdagi o‘quvchilarni axloqiy tarbiyalashda xalq og‘zaki ijodi
namunalaridan foydalanish” deb belgiladik. Mavzuning dolzarbligining yana bir
jihati shundaki, yuqorida qayd etilgan tadqiqotlarda asosan 2000 yillargacha
bajarilgan ishlar aks etgan. Keyingi o‘tgan o‘n besh yil davomida xalq og‘zaki
ijodi namunalarining boshlang‘ich sinflarda o‘rganilishi ma’lum darajada
yangilangan. Ushbu yangiliklarni tahlil etishga harakat qildik.
Do'stlaringiz bilan baham: |