Харита режими

Muqaddima
Davlat ta’lim standartiga muvofiq umumta’lim maktablarining 7-sinfi uchun tarix fanidan milodiy IV asrdan XVI asr boshlarigacha davrdagi jahon va o`lka tarixini o`rganish belgilangan. Bu davr tarixini o`zlashtirishni osonlashtirish maqsadida qo`lingizdagi ushbu o`quv filmi O`zbekiston Respublikasi Хalq ta’limi vazirligi buyurtmasi asosida yaratildi. O`quv filmi 7 ta mavzuga bag`ishlangan bo`lib, har biri 13-14 daqiqa davom etadi. Mavzularni tanlashda asosiy darslikda keltirilgan boblardagi ma’lumotlarning umumlashtirilishiga va ayrim qo`shimcha ma’lumotlar bilan boyitilishiga hamda voqealarning tarixdagi salmog`i, o`quvchilar uchun dolzarbligi kabi me’zonlarga amal qilindi.

Ushbu qo`llanmada mazkur o`quv filmi bilan ishlash tartibi bayon etilgan.

Qo`llanma ikki qismdan iborat: “Umumiy bo`lim” va “Foydalanuvchi qo`llanmasi”.

“Umumiy bo`lim”da 7-sinf uchun tarix fanida o`quv filmidan foydalanish uchun lozim bo`ladigan kompyuter texnikasi va dasturiy ta’minot, o`quv filmini kompyuterga o`rnatish tartibi bayon etiladi hamda ushbu film ijodkorlari haqida ma’lumot keltiriladi.

“Foydalanuvchi qo`llanmasi” qismida 7-sinf uchun tarix fani bo`yicha o`quv filmidan foydalanishda ishlatiladigan buyruqlar va ularni bajarish davomida paydo bo`ladigan dastur va foydalanuvchi o`rtasidagi muloqat bayon etiladi.

UMUMIY BO`LIM

7-sinf tarix fanidan o`quv filmi (ТO`F-7) – umumta’lim maktablarining 7-sinfi uchun tarix fani bo`yicha bilim olishda (dars jarayonida, uyda, maktab kutubxonasida) foydalanishga mo`ljallangan tasvirlar harakati (animatsiya), video, audio materiallarni o`zida mujassamlashtirgan kompyuter dasturidir.